Troos uit die Woord – Dag 9

₅Ek het die Here aangeroep en Hy het my geantwoord,

Hy het my gered uit alle doodsgevare.

₆Dié wat swaar kry, sien op na Hom en straal van blydskap,

hulle word nie teleurgestel in hulle verwagting nie.

₇Ek is een van die ellendiges wat geroep het.

Die Here het gehoor,

uit al my benoudhede het Hy my gered.

₈Die Engel van die Here slaan sy laer op

rondom dié wat die Here dien, en red hulle.

₉Kom ondervind en sien self dat die Here goed is!

Dit gaan goed met die mens wat by Hom skuil.

₁By U, Here, skuil ek,

laat my tog nooit

teleurgestel staan nie!

₂Red my en bevry my, want U is getrou.

Luister tog na my en help my!

₃Wees vir my 'n rots om na toe te vlug,

waar ek altyd die veiligheid mag vind

wat U tot my redding beskik het,

want U is my rots en my vesting.

₆Luister na my gebed, Here,

gee tog ag op my smeekgebed.

₇Op die dag van my nood roep ek na U,

U sal my gebed verhoor.

₈Daar is geen god soos U nie, Here,

niks kan met u werk vergelyk word nie.