Troos uit die Woord – Dag 34

₁Waarom staan U so ver weg, Here?

Waarom trek U U terug in tye van nood?

₄Neus in die lug sê hy:

“God vra tog geen rekenskap nie!”

In al sy planne is daar geen plek vir God nie.

₅Dit gaan mos altyd goed met wat hy aanpak.

U oordele is vir hom te ver weg, buite sy gesigsveld.

Hy snork met veragting oor al sy vyande.

₁₂Kom tog, Here! Toon u mag, o God!

Moet die hulpeloses tog nie vergeet nie.

₁₄En die hele tyd het U dit gesien, die lyding en verdriet.

U let daarop en maak daar 'n einde aan.

Op U verlaat die ongelukkige hom,

ook vir die weeskind is U 'n helper.

₁₆Die Here bly altyd koning,

die vyande is uit sy land verdryf.

₁₇U het die gesmeek van die hulpeloses gehoor, Here.

U gee hulle nuwe moed.

U verhoor hulle gebed.

God is vir Israel baie goed,

vir dié wat rein van hart is.

₂Tog het ek daaraan begin twyfel,

ek het byna koers verloor,

₃want ek het die hooghartige goddeloses met afguns bejeën

toe ek hulle voorspoed sien.

₁₆Daarom het ek diep nagedink om dit te verstaan

en was dit vir my bitter moeilik

₁₇totdat ek in die heiligdom van God ingegaan

en besef het wat die uiteinde van die goddeloses is.

₂₃Tog was ek nog altyd by U,

want U vat my aan die hand.

₂₄U lei my met u raad

en aan die einde sal U my in ere by U opneem.

₂₅Daar is niks in die hemel of op die aarde

wat vir my meer beteken as U nie.

₂₈Maar wat my aangaan, dit is vir my goed

om naby God te wees.

Ek het die Here my God gekies as my toevlug!

Ek sal van al u werke bly vertel.