Troos uit die Woord – Dag 33

₁₂As U 'n mens die straf oplê wat sy sonde verdien,

verteer U hom soos 'n mot 'n kleed.

Ag, alle mense is verganklik. Sela

₁₃Hoor tog my gebed, Here,

luister na my hulpgeroep;

moet tog nie koud staan teenoor my trane nie,

want ek is net op u beskerming aangewese;

U alleen sorg vir my, soos vir al my voorvaders.

₂Aan U, o God, kom 'n lofsang toe in Sion:

geloftes moet betaal word ₃aan U wat die gebed verhoor.

Na U toe sal alle mense kom ₄om hulle skuld te bely.

Ons sondes het ons ingehaal, maar U maak ons daarvan vry.

₅Dit gaan goed met die mens vir wie U uitkies

en laat naderkom om in u tempel te bly.

Laat ons die goeie dinge in u huis in oorvloed geniet,

die goeie dinge in u heilige woning.

₆In u trou antwoord U ons met kragtige dade,

o God, ons Verlosser,

op wie ook die mense in afgeleë lande

en op verre seë vertrou.

₂₀Geloof sy die Here!

Dag na dag dra Hy ons! God is ons hulp! Sela

₂₁God is vir ons die God wat ons red,

die Here ons God deur wie ons bewaar word in doodsgevaar.