Troos uit die Woord – Dag 32

₅Toe het ek my sonde bely,

my oortreding nie weggesteek nie.

Ek het gesê:

“Voor die Here bely ek my opstandigheid;”

en U het my skuld vergewe. Sela

₆Dit is waarom elke gelowige in 'n tyd van nood tot U bid;

selfs vloedwaters sal hom nie skielik oorval nie.

₇U is vir my 'n skuilplek,

U beskerm my teen aanvalle,

U laat my oorwinningsliedere sing. Sela

₈Barmhartig en genadig is die Here,

lankmoedig en vol liefde.

₉Hy sal ons ons sonde nie bly toereken

en nie vir ewig toornig bly nie.

₁₀Hy handel met ons nie volgens ons sondes nie,

vergeld ons nie vir ons ongeregtighede nie,

₁₁want so groot as die afstand tussen hemel en aarde is,

so groot is sy liefde vir dié wat Hom dien.

₁₂So ver as die ooste van die weste af is,

so ver verwyder Hy ons oortredinge van ons af.

₁₃Soos 'n vader hom ontferm oor sy kinders,

so ontferm die Here Hom oor dié wat Hom dien.

₇Ek was al skuldig toe ek gebore is,

met sonde belaai toe my moeder swanger geword het.

₈Maar U verwag opregtheid diep in 'n mens se hart:

laat ek dan diep in my binneste weet

hoe U wil dat ek moet lewe.

₉Neem tog my sonde weg dat ek rein kan wees,

was my dat ek witter as sneeu kan wees.

Dit gaan goed met die mens

wie se oortredings nie gestraf word nie,

wie se sonde vergewe word.

₂Dit gaan goed met die mens

vir wie die Here die oortreding nie toereken nie

en in wie se gees daar geen valsheid is nie.

₃Toe ek oor my sonde geswyg het,

het my liggaam uitgeteer soos ek heeldag om hulp geroep het.

₄U hand het dag en nag swaar op my gedruk,

my krag het opgedroog soos water in somerhitte. Sela

₅Toe het ek my sonde bely,

my oortreding nie weggesteek nie.

Ek het gesê:

“Voor die Here bely ek my opstandigheid;”

en U het my skuld vergewe. Sela

₆Dit is waarom elke gelowige in 'n tyd van nood tot U bid;

selfs vloedwaters sal hom nie skielik oorval nie.

₇U is vir my 'n skuilplek,

U beskerm my teen aanvalle,

U laat my oorwinningsliedere sing. Sela

₈Ek wil jou onderrig

en jou die pad leer wat jy moet volg.

Ek wil jou raad gee en my oog oor jou hou.

₉Moenie onverstandig wees nie, soos 'n perd of 'n muil

wat met 'n stang in die bek beteuel moet word as jy hom wil lei.

₁₀Die goddelose het baie smarte,

maar wie op die Here vertrou,

dié omvou Hy met sy liefde.

₁₁Verbly julle in die Here en juig, regverdiges,

jubel, alle opregtes.