Troos uit die Woord – Dag 3

₂₈Ek kwyn weg van kommer,

skenk my krag soos U in u woord beloof het.

₂Soos 'n wildsbok smag na waterstrome,

so smag ek na U, o God.

₃Ek dors na God, na die lewende God.

Wanneer kan ek gaan en voor God verskyn?

₄Dag en nag is ek in trane,

want sonder ophou sê hulle vir my:

“En waar is jou God nou?”

₅As ek my lewe voor my laat verbygaan,

dink ek daaraan

hoe ek opgetrek het na die woonplek van God,

voor 'n skare uit na sy huis toe geloop het

met gejuig en lofsang – 'n skare wat feesvier.

₆Waarom is ek so in vertwyfeling

en waarom kerm ek so?

Vertrou op God!

Ja, ek sal weer vir Hom 'n loflied sing.

Hy is my helper

₉Tog sal die Here weer op 'n dag sy trou laat blyk

en sal ek selfs in die nag 'n lied vir Hom sing,

'n gebed tot die God van my lewe.

₁₀Ek wil vir God sê:

“My Rots, waarom het U my vergeet?

Waarom moet ek gebuk gaan onder die smaad van die vyand?”

₁₁Dit sny deur my hele wese as my teëstanders my spot

en dag na dag vir my sê:

“En waar is jou God nou?”