Troos uit die Woord – Dag 28

₂Dit gaan goed met die mens

vir wie die Here die oortreding nie toereken nie

en in wie se gees daar geen valsheid is nie.

₃Toe ek oor my sonde geswyg het,

het my liggaam uitgeteer soos ek heeldag om hulp geroep het.

₄U hand het dag en nag swaar op my gedruk,

my krag het opgedroog soos water in somerhitte. Sela

₅Toe het ek my sonde bely,

my oortreding nie weggesteek nie.

Ek het gesê:

“Voor die Here bely ek my opstandigheid;”

en U het my skuld vergewe. Sela

₄Deur u toorn is daar nie meer 'n gesonde plek aan my liggaam nie,

deur my sonde is daar nie meer 'n heel plek aan my lyf nie.

₅Ja, my ongeregtighede het my oorweldig

soos 'n las wat vir my te swaar is.

₆My wonde stink en sweer,

en dít deur my eie dwaasheid.

₇Ek is krom en inmekaar getrek,

ek loop die hele dag en treur,

₈want my lyf brand van die koors

en daar is nie meer 'n gesonde plek aan my liggaam nie.

₉Ek is gedaan en heeltemal platgeslaan,

my hart jaag en ek brul van die pyn.

₁₀U weet waarna ek smag, Here, my gesmeek is vir U geen geheim nie.

₁₁My hart jaag, my krag het ingegee,

ek kan nie eers meer sien nie.

₁₂My siekte hou my familie en my vriende ver van my af,

en my bure kom nie naby my nie.

₁₉Ek bely my ongeregtigheid,

my sonde kwel my.

₂₃Maak tog gou om my te help,

Here, my Redder!

₃Wees my genadig, o God, in u troue liefde,

wis my oortredings uit in u groot barmhartigheid!

₄Was my skoon van my skuld,

reinig my van my sonde!

₅Ja, my oortredings ken ek

en van my sonde bly ek altyd bewus.

₆Teen U alleen het ek gesondig,

ek het gedoen wat verkeerd is in u oë.

U uitspraak is dus reg

en u oordeel regverdig.

₁₈'n Offer vra U nie,

anders sou ek dit bring;

'n brandoffer wil U nie hê nie.

₁₉Die offer wat U wil hê, o God, is verootmoediging:

U sal 'n hart vol ootmoed en berou nie gering ag nie, o God.

₂Aan U, o God, kom 'n lofsang toe in Sion:

geloftes moet betaal word ₃aan U wat die gebed verhoor.

Na U toe sal alle mense kom ₄om hulle skuld te bely.

Ons sondes het ons ingehaal, maar U maak ons daarvan vry.