Troos uit die Woord – Dag 27

₁₇As die Here my nie gehelp het nie,

was die stilte van die graf seker al my tuiste!

₁₈Toe ek gedink het my voete gly,

het u troue liefde my regop gehou, Here.

₁₉Toe ek met baie onrus in my binneste sit,

het u vertroosting my tot rus gebring.

₂₀U duld geen korrupsie in die regspraak nie,

geen mens wat, teen u gebod in, ellende veroorsaak nie.

₂₁Hulle span saam teen die regverdige,

hulle veroordeel onskuldige mense tot die dood.

₂₂Maar vir my is die Here 'n veilige vesting,

my God is die rots waar ek kan skuil.

₁₃₇U is regverdig, Here,

wat U bepaal, is reg.

₁₃₈In groot regverdigheid en trou het U u verordeninge uitgevaardig.

₉Hy sal ons ons sonde nie bly toereken

en nie vir ewig toornig bly nie.

₁₀Hy handel met ons nie volgens ons sondes nie,

vergeld ons nie vir ons ongeregtighede nie,

₁₁want so groot as die afstand tussen hemel en aarde is,

so groot is sy liefde vir dié wat Hom dien.