Troos uit die Woord – Dag 20

₁₀Mense is verganklik,

mense is niks:

op 'n skaal wys hulle geen gewig nie,

saam is hulle minder as niks.

₁₁Moenie op geweld vertrou nie;

roof sal jou niks in die sak bring nie.

As jou rykdom toeneem,

moenie dat dit jou te na aan die hart lê nie.

₁₂Een ding het ek God hoor sê,

nee, twee:

dat net God mag het ₁₃en 'n mens net op U, Here, kan vertrou,

en dat U met elkeen handel volgens sy verdienste.

₃U laat die mens sterwe:

U sê net: “Word weer stof!”

₄Duisend jaar is vir U soos gister as dit verby is,

soos een enkele wagbeurt in die nag.

₅U maak 'n einde aan 'n mens,

hy gaan die doodslaap in.

Hy is soos gras wat in die môre afgesny word:

₆in die môre is dit nog groen, maar dit word afgesny

en teen die aand is dit verlep en dit verdroog.

₃Here, wat is 'n mens dat U hom sou wil ken,

'n mensekind dat U aan hom sou dink?

₄'n Mens, hoe verganklik is hy tog:

sy dae gaan soos 'n skaduwee verby.