Spreuke: Eenjaarleesplan – Dag 75

Spreuke verwoord die bewese waarheid dat leierskap noodsaaklik is vir ’n volk om te floreer. Die woord wat hier met leierskap vertaal kan word, is taḥbulôṯ. Dit dui op beide oorwoë begeleiding as op strategiese oorleg. Die krag van die leiding lê egter nie in ’n enkele individu opgesluit nie, maar in ’n veelheid van raadgewers. Peterson sê dit so goed: “Without good direction, people lose their way; the more wise counsel you follow, the better your chances.” (The Message).