Spreuke: Eenjaarleesplan – Dag 255

Spreuk 8 – Moenie dat jou verlange na rykdom jou jou sin vir waardes laat verloor nie.

Nie dat rykdom as sodanig noodwendig verkeerd is nie, maar rykdom kry maklik vlerke en raak verlore. En as rykdom jou fokus is, het jy dan jouself ook verloor. Die Prediker het ook hieroor nagedink en tot dieselfde gevolgtrekking gekom. Soms jaag jy rykdom na, maar gaan dood voor jy dit kan geniet (vgl Pred 4:7-8). Soms verloor jy dit bloot weens omstandighede (vgl Pred 5:13-17). Die soeke na rykdom kan jou dus duur kos.