Spreuke: Eenjaarleesplan – Dag 213

Vers 13. Hardwerkendheid bring oorvloed. Interessant: “staan vroeg op” (1983-vertaling) is eintlik die vertaling van “maak jou oë vroeg oop” (1933/53-vertaling) wat dié vers met vers 12, verbind. Spreuke wil dus sê, God het jou oë gegee, gebruik dit dan van vroeg af om jou werk met passie en oorgawe te doen. Vers 14. Kopers maak nie hulle ware gevoelens oor ‘n winskopie bekend nie, tot hulle eie voordeel. Dit is moontlik raad van ’n ervare besigheidsman aan ’n beginner. Vers 15. Kennis is meer werd as goud en edelstene (rooi korale of robyne). Nie net in terme van sigwaarde nie, maar in terme van intrinsieke waarde.