Spreuke: Eenjaarleesplan – Dag 208

Vers 4. Dit is die wet van die plaas: as jy nie plant nie, sal jy nie oes nie. Wat jy insit, kry jy uit. Vers 5. Dit gaan hier nie soseer oor wysheid wat soos diep waters in ons beskikbaar is nie. Dit gaan oor ’n wyse persoon wat ons kan help om die diepte van ons eie motiverings en oorwegings te kan verstaan. Sulke oorwoë menings van wyse mense gee diepte aan ons eie lewe. Vers 6. Betroubaarheid is skaars. Baie sê dat hulle lojaal is, maar min is regtig betroubaar.