Spreuke: Eenjaarleesplan – Dag 13

Die pa herinner sy seun laastens daaraan dat God dié dissiplineer wat Hy liefhet. Daarom moet hy die straf en teregwysing van die Here aanvaar. Dissipline bevestig sy kindskap, die sesde aspek van hierdie les. Dit is ’n gedagte wat die Hebreërskrywer ook op ons eie geestelike lewe van toepassing maak (Hebr 12:5-6). Lyding ter wille van die evangelie is ’n teken dat jy aan die geloofsgemeenskap behoort! “It’s the child he loves that GOD corrects; a father’s delight is behind all this.” (The Message).