Na die Woord – Dag 138

₁Die seuns van Levi was Gerson, Kehat en Merari. ₂Die seuns van Kehat was Amram, Jishar, Hebron en Ussiël. ₃Die kinders van Amram was Aäron, Moses en Mirjam. Die seuns van Aäron was Nadab, Abihu, Eleasar en Itamar. ₄Die geslag van Eleasar loop dan oor Pinehas, Abisua, ₅Bukki, Ussi, ₆Seragja, Merajot, ₇Amarja, Agitub, ₈Sadok, Agimaäs, ₉Asarja en Joganan ₁₀tot by Asarja wat priester was in die tempel wat Salomo in Jerusalem gebou het. ₁₁Van Asarja af loop die geslag oor Amarja, Agitub, ₁₂Sadok, Sallum, ₁₃Gilkija, Asarja ₁₄en Seraja tot by Josadak. ₁₅Josadak is saam toe die Here Juda en Jerusalem deur Nebukadnesar laat wegvoer het.

₁₆Die seuns van Levi was Gerson, Kehat en Merari. ₁₇Hier volg die name van die seuns van Gerson: Libni en Simi. ₁₈Die seuns van Kehat was Amram, Jishar, Hebron en Ussiël. ₁₉Die seuns van Merari was Magli en Musi.

Die Levigeslagte volgens families is soos volg: ₂₀onder Gerson val Libni, Jagat, Simma, ₂₁Joag, Iddo, Serag en Jeatrai. ₂₂Die Kehatgroep is Amminadab, Korag, Assir, ₂₃Elkana, Abiasaf, Assir, ₂₄Tagat, Uriël, Ussia en Saul. ₂₅Die Elkanagroep is Amasai, Agimot, ₂₆Elkana, Suf, Nagat, ₂₇Eliab, Jerogam en Elkana. ₂₈Die seuns van Samuel was Joël die oudste, en Abia die tweede. ₂₉Die Merarigroep is Magli, Libni, Simi, Ussa, ₃₀Sima, Gaggija en Asaja.

₃₁Dawid het die volgende manne aangestel om die sang waar te neem in die huis van die Here sodra die ark sy rusplek daar sou vind. ₃₂Hulle het ook gesorg vir die sang voor die heiligdom, die tent van ontmoeting, totdat Salomo die huis van die Here in Jerusalem gebou het. Hulle het hulle dienste verrig volgens 'n vaste reëling. ₃₃Die volgende manne het die diens verrig saam met hulle seuns: van die Kehatgroep was daar Heman die tempelsanger, seun van Joël seun van Samuel, ₃₄wie se geslag teruggaan oor Elkana, Jerogam, Eliël, Togu, ₃₅Suf, Elkana, Magat, Amasai, ₃₆Elkana, Joël, Asarja, Sefanja, ₃₇Tagat, Assir, Abiasaf, Korag, ₃₈Jishar en Kehat tot by Levi seun van Israel. ₃₉Heman se ampsgenoot Asaf het regs van hom gestaan. Asaf se geslag het teruggegaan tot by Levi oor Berekja, Sima, ₄₀Migael, Maäseja, Malkija, ₄₁Etni, Serag, Adaja, ₄₂Etan, Simma, Simi, ₄₃Jagat en Gerson. ₄₄Hulle ampsgenote aan die linkerkant was die Merarigroep onder leiding van Etan, wie se geslag teruggaan oor Kusaja, Abdi, Malluk, ₄₅Gasabja, Amasia, Gilkija, ₄₆Amsi, Bani, Semer, ₄₇Magli en Musi tot by Merari seun van Levi.

₄₈Die tempelsangers se Levitiese ampsgenote is aangestel vir al die dienste van die heiligdom, die tempel van God. ₄₉Aäron en sy seuns alleen het egter die offerdiens waargeneem by die brandofferaltaar en die wierookaltaar, die diens by die besondere gewyde offers. So het hulle versoening vir Israel gedoen in ooreenstemming met alles wat Moses, die dienaar van God, beveel het. ₅₀Die geslag van Aäron was soos volg: Eleasar, Pinehas, Abisua, ₅₁Bukki, Ussi, Seragja, ₅₂Merajot, Amarja, Agitub, ₅₃Sadok en Agimaäs.

₅₄Verder volg nou ook hulle woonplekke volgens hulle tentdorpe in hulle gebied. Omdat die lot hulle aangewys het, is vir die seuns van Aäron, die Kehatgeslag, ₅₅Hebron in Juda gegee met sy weivelde in sy omgewing. ₅₆Die lande van die stad met sy dorpies is egter aan Kaleb seun van Jefunne gegee. ₅₇Aan die Aärongeslag het hulle behalwe die asielstad Hebron ook nog gegee: Libna met sy weivelde, Jattir, Estemoa met sy weivelde, ₅₈Golon met sy weivelde, Debir met sy weivelde, ₅₉Asan met sy weivelde en Bet-Semes met sy weivelde, ₆₀en in die Benjamingebied ook nog Geba, Alemet en Anatot, elkeen met sy weivelde. Hulle het altesaam dertien stede vir hulle geslagte gehad. ₆₁Aan die oorblywende Kehatgeslagte het hulle met die lot tien stede in die gebied van die halwe Manassestam toegewys.

₆₂Aan die Gersongeslagte het hulle in die stamgebiede van Issaskar, Aser en Naftali en in die stamgebied van Manasse in Basan dertien stede toegewys.

₆₃Aan die Merarigeslagte het hulle met die lot twaalf stede toegewys in die stamgebiede van Ruben, Gad en Sebulon.

₆₄Die Israeliete het vir die Leviete die stede saam met hulle weivelde gegee. ₆₅Hulle het die stede wat opgenoem is, met die lot toegewys in die stamgebied van die Judeërs, die stamgebied van die Simeoniete en die stamgebied van die Benjaminiete.

₆₆Wat die Kehatgeslagte betref, die stede waaroor hulle beskikking gehad het, was in die stamgebied van Efraim. ₆₇Aan hulle is die asielstad Sigem in die Efraimsberge gegee saam met sy weivelde, sowel as Geser, ₆₈Jokmeam, Bet-Goron, ₆₉Ajalon en Gat-Rimmon, elkeen met sy weivelde. ₇₀In die stamgebied van die halwe Manassestam is Aner met sy weivelde en Jibleam met sy weivelde aan die geslag van die oorblywende Kehatiete gegee.

₇₁Die Gersoniete het in die stamgebied van die halwe Manassestam Golan in Basan met sy weivelde gekry sowel as Astarot met sy weivelde; ₇₂in die stamgebied van Issaskar: Kedes, Daberat, ₇₃Ramot en En-Gannim; ₇₄in die stamgebied van Aser: Misal, Abdon, ₇₅Gukok en Regob; ₇₆in die stamgebied van Naftali: Kedes in Galilea, Gammon en Kirjatajim, elkeen met sy weivelde.

₇₇Die oorblywende Merariërs het in die stamgebied van Sebulon gekry: Rimmon met sy weivelde en Tabor met syne; ₇₈teenoor Jerigo, oos van die Jordaan, in die stamgebied van Ruben: Beser in die droëveld, Jahas, ₇₉Kedemot en Mefaät, elkeen met sy weivelde; ₈₀in die stamgebied van Gad: Ramot in Gilead, Maganajim, ₈₁Gesbon en Jaser, elkeen met sy weivelde.

₁Issaskar se vier seuns was Tola, Puwwa, Jasub en Simron. ₂Die seuns van Tola was Ussi, Refaja, Jeriël, Jagmai, Jibsam en Samuel. Volgens die stamboom was hulle familiehoofde van Tola, en hulle was strydbare manne. In Dawid se tyd was die getal van die geslag twee en twintig duisend ses honderd. ₃Die seun van Ussi was Seragja en die seuns van Seragja was Migael, Obadja, Joël en Jissija. Hulle vyf was almal hoofde. ₄Daar was naas hulle ook nog volgens hulle familiestamboom leërafdelings van ses en dertig duisend altesaam. Hulle het baie vrouens en kinders gehad. ₅Hulle stamgenote in al die Issaskargeslagte was sewe en tagtig duisend strydbare manne, almal in die register opgeneem.

₆Benjamin het drie seuns gehad: Bela, Beker en Jediael. ₇Die vyf seuns van Bela was Esbon, Ussi, Ussiël, Jerimot en Iri. Hulle was die familiehoofde en strydbare manne. In die register is van hulle twee en twintig duisend vier en dertig opgeneem. ₈Die seuns van Beker: Semira, Joas, Eliëser, Eljoënai, Omri, Jeremot, Abia, Anatot en Alemet. Hulle was almal seuns van Beker. ₉In die register tel hulle volgens hulle stamboom, hulle familiehoofde, strydbare manne, twintig duisend twee honderd. ₁₀Die geslag van Jediael was Bilhan en sy seuns Jeüs, Benjamin, Ehud, Kenaäna, Setan, Tarsis en Agisagar. ₁₁Hulle was almal seuns van Jediael. Hulle geslag was ingedeel volgens familiehoofde, en die strydbare manne, altesaam sewentien duisend twee honderd wat vir militêre diens opgeroep kon word. ₁₂Hier hoort ook nog die Suppeërs en die Guppeërs, nakomelinge van Ir, en die Gusseërs, nakomelinge van Ager.

₁₃Naftali se seuns was Jagseël, Guni, Jeser en Sillem. Hulle was nakomelinge van Bilha.

₁₄Nou volg die geslag van Manasse. Sy vrou het Asriël in die wêreld gebring. Sy Aramese byvrou was die moeder van Makir, vader van Gilead. ₁₅Makir het getrou met 'n vrou uit die Guppeërs en die Suppeërs, en sy suster se naam was Maäka. Die tweede seun se naam was Selofgad, maar hy het net dogters gehad. ₁₆Makir se vrou Maäka was die moeder van 'n seun met die naam Peres, en sy broer se naam was Seres, en sy seuns was Ulam en Rekem. ₁₇Die seun van Ulam was Bedan. Dit was dan die seuns van Gilead seun van Makir, seun van Manasse. ₁₈Gilead se suster Moleket was die moeder van Ishod, Abiëser en Magla. ₁₉Daar was ook seuns van Semida. Hulle was Agjan, Sekem, Likgi en Aniam.

₂₀Die seun van Efraim was Sutelag, dié se seun Bered, dié se seun Tagat, sý seun Elada, sý seun Tagat, ₂₁sý seun Sabad en sý seun Sutelag. Daar was ook nog Eser en Elad, maar hulle is deur die mense van Gat wat van geboorte af in die Efraimitiese gebied was, doodgemaak. Dit het gebeur toe hulle die mense van Gat se vee gaan steel het. ₂₂Eser en Elad se vader Efraim het lank oor hulle getreur, maar sy broers het hom kom troos. ₂₃Toe hy daarna met sy vrou gemeenskap gehad het, het sy swanger geword en 'n seun gekry. Hy het hom Beria genoem, omdat dit gebeur het toe daar 'n swaar tyd in sy huis was. ₂₄Sy dogter was Seëra. Sy het Bet-Goron-Onder en Bet-Goron-Bo gebou, en ook Ussen-Seëra. ₂₅Beria se seuns was Refag en Resef. Resef se seun was Telag, en sý seun Tagan. ₂₆Sý seun was Ladan, sý seun Ammihud, sý seun Elisama, ₂₇sý seun Nun en sý seun Josua. ₂₈Die gebied wat hulle besit en bewoon het, was Bet-El met die dorpies rondom hom, na die ooste toe Naära, na die weste toe Geser met die dorpies rondom hom, en verder Sigem met die dorpies rondom hom tot by Aja met sy dorpies.

₂₉In besit van Manasse was Bet-San, Taänak, Megiddo en Dor, elkeen met sy dorpies. In dié plekke het die nageslag van Josef seun van Israel gewoon.

₃₀Die seuns van Aser was Jimna, Jiswa, Jiswi en Beria. Hulle suster was Serag. ₃₁Beria se seuns was Geber en Malkiël, wat die vader van Birsajit was. ₃₂Geber was die vader van Jaflet, Semer en Gotam, en van hulle suster Sua. ₃₃Die seuns van Jaflet was Pasak, Bimhal en Aswat; hulle was Jaflet se seuns. ₃₄Die seuns van Semer was Agi, Roga, Gubba en Aram. ₃₅Die seuns van sy broer Gotam was Sofag, Jimna, Seles en Amal. ₃₆Die seuns van Sofag was Suag, Garnefer, Sual, Beri, Jimra, ₃₇Beser, Hod, Samma, Silsa, Jitran en Beëra. ₃₈Die seuns van Jitran was Jefunne, Pispa en Ara. ₃₉Die seuns van Ulla was Arag, Ganniël en Risja. ₄₀Hulle was almal afstammelinge van Aser, familiehoofde, uitgelese strydbare manne, vorstelike leiers. Hulle is in die register opgeneem vir aktiewe oorlogsdiens. Hulle was ses en twintig duisend man.

₁Benjamin was die vader van Bela sy oudste, Asbel sy tweede, Agrag sy derde, ₂Noga sy vierde, en Rafa sy vyfde.

₃Bela se seuns was Ard, Gera, Abihud, ₄Abisua, Naäman, Agoag, ₅Gera, Sefufan en Guram. ₆Nou volg die seuns van Egud. Hulle was familiehoofde van die inwoners van Geba en is as gevangenes weggevoer na Managat toe. ₇Dit was Naäman, Agija en Gera wat weggevoer is. Gera was die vader van Ussa en Agigud. ₈'n Sekere Sagarajim het in die Moabitiese gebied vader van kinders geword. Dit was nadat hy van sy vrouens Gusim en Baära geskei het. ₉By sy vrou Godes was hy die vader van Jobab, Sibja, Mesa, Malkam, ₁₀Jeüs, Sakeja en Mirma. Hierdie seuns van hom was familiehoofde. ₁₁By Gusim was hy die vader van Abitub en Elpaäl. ₁₂Die seuns van Elpaäl was Eber, Misam en Semed. Hy het Ono en Lod met sy omliggende dorpies gebou. ₁₃Verder was daar nog Beria en Sema. Hulle was familiehoofde van die inwoners van Ajalon en dit was hulle wat die inwoners van Gat op die vlug gejaag het. ₁₄Dan was daar ook nog Agjo, Sasak, Jeremot, ₁₅Sebadja, Arad, Eder, ₁₆Migael, Jispa en Joga, seuns van Beria. ₁₇Sebadja, Mesullam, Giski, Geber, ₁₈Jismerai, Jislia en Jobab was afstammelinge van Elpaäl. ₁₉Verder was daar Jakim, Sikri, Sabdi, ₂₀Eliënai, Silletai, Eliël, ₂₁Adaja, Beraja en Simrat, afstammelinge van Simi. ₂₂Jispan, Eber, Eliël, ₂₃Abdon, Sikri, Ganan, ₂₄Gananja, Elam, Antotija, ₂₅Jifdeja en Penuel was afstammelinge van Sasak. ₂₆Samserai, Segarja, Atalia, ₂₇Jaäresja, Elia en Sikri was afstammelinge van Jerogam. ₂₈Hierdie manne was die familiehoofde volgens hulle stamboom. Hulle was leiers en het in Jerusalem gewoon. ₂₉In Gibeon het die vader van Gibeon gewoon. Sy vrou se naam was Maäka. ₃₀Sy oudste seun was Abdon, en die ander was Sur, Kis, Baäl, Nadab, ₃₁Gedor, Agjo en Seker. ₃₂Miklot was die vader van Sima. Hulle het ook in Jerusalem gewoon, langs hulle stamgenote. ₃₃Ner was die vader van Kis, Kis die vader van Saul, en Saul die vader van Jonatan, Malkisua, Abinadab en Es-Baäl. ₃₄Meribbaäl was 'n seun van Jonatan en die vader van Miga. ₃₅Die seuns van Miga was Piton, Melek, Tagrea en Agas. ₃₆Agas was die vader van Jehoadda, en Jehoadda was die vader van Alemet, Asmawet en Simri. Simri was die vader van Mosa, ₃₇en Mosa die vader van Bina. Dié se seun was Rafa, sý seun Elasa, en dié se seun Asel. ₃₈Asel het ses seuns gehad. Hulle name was Asrikam, Bokeru, Ismael, Searja, Obadja en Ganan. Dit is al Asel se seuns. ₃₉Sy broer Esek se seuns was Ulam, die oudste, Jeüs, die tweede, en Elifelet, die derde. ₄₀Die seuns van Ulam was strydbare manne en boogskutters. Hulle het baie kinders en kleinkinders gehad, honderd en vyftig altesaam.

Al hierdie mense was afstammelinge van Benjamin.

₁Die hele Israel is in registers opgeneem. Hulle name staan opgeteken in die annale van die konings van Israel.

Die Judeërs is na Babel toe weggevoer oor hulle troubreuk. ₂Die eerste inwoners wat hulle daarna op hulle eie grond in hulle stede gevestig het, was naas die gewone Israeliete die priesters, die Leviete en die tempelslawe. ₃In Jerusalem het daar van die Judeërs, Benjaminiete, Efraimiete en Manassers gewoon: ₄Utai seun van Ammihud, seun van Omri, seun van Imri, seun van Bani, uit die seuns van Peres seun van Juda; ₅van die mense van Silo: Asaja, die oudste seun, en sy seuns; ₆van die afstammelinge van Serag: Jeüel en sy stamgenote, altesaam ses honderd en negentig; ₇van die Benjaminiete: Sallu seun van Mesullam, seun van Hodauja, seun van Senua, ₈en Jibneja seun van Jerogam, Ela seun van Ussi, seun van Mikri, en Mesullam seun van Sefatja, seun van Reüel, seun van Jibnija. ₉Dan was daar ook nog hulle verwante volgens hulle stamboom, altesaam nege honderd ses en vyftig. Al hierdie manne was familiehoofde in hulle families.

₁₀Van die priesters was daar Jedaja, Jojarib, Jakin ₁₁en Asarja seun van Gilkija, seun van Mesullam, seun van Sadok, seun van Merajot, seun van Agitub, die hoof van die tempel. ₁₂Verder was daar Adaja seun van Jerogam, seun van Pasgur, seun van Malkija, en Masai seun van Adiël, seun van Jagsera, seun van Mesullam, seun van Mesillemot, seun van Immer. ₁₃Hulle stamgenote, die hoofde van hulle families, was een duisend sewe honderd en sestig. Hulle was bekwame lede van die personeel vir die tempeldiens.

₁₄Van die Leviete was daar Semaja seun van Gassub, seun van Asrikam, seun van Gasabja uit die Merarigeslag; ₁₅en Bakbakkar, Geres, Galal, Mattanja seun van Miga, seun van Sikri, seun van Asaf; ₁₆en Abda seun van Sammua, seun van Galal, seun van Jedutun, en Berekja seun van Asa, seun van Elkana, wat in nedersettings van die Netofaners gewoon het.

₁₇Die poortwagte was Sallum, Akkub, Talmon, Agiman en hulle ampsgenote. Sallum was die hoof ₁₈en is dit nou nog by die oostelike koningspoort. Hulle was voorheen poortwagte by die Levitiese kwartiere. ₁₉Sallum seun van Kore, seun van Abiasaf, seun van Korag, en sy verwante uit sy familie die Koragiete was verantwoordelik vir die dienswerk van die drumpelwagte by die tent, net soos hulle vaders wagte was by die ingang tot die kamp van die volk van die Here. ₂₀Vroeër was Pinehas seun van Eleasar hoof oor hulle. Die Here was by hom. ₂₁Sagaria seun van Meselemja was wag by die ingang van die tent van ontmoeting. ₂₂Dié wat as poortwagte uitgesoek is, was altesaam twee honderd en twaalf. Hulle is in die register opgeneem volgens hulle nedersettings. Dit is hulle wat nog deur Dawid en die siener Samuel in hulle amp benoem was. ₂₃Hulle en hulle opvolgers was die wagte by die poorte van die huis van die Here, die tenthuis. ₂₄Daar was wagte by die poorte in elkeen van die vier windrigtings: oos, wes, noord en suid. ₂₅Hulle ampsgenote het in hulle eie nedersettings gebly en het hulle telkens sewe dae volgens 'n vaste program kom bystaan.

₂₆Die vier hoofwagte was Leviete en was amptelik in bevel van die poortwagte. Hulle was ook verantwoordelik vir die kamers en die voorrade van die tempel. ₂₇Hulle moes in die omgewing van die tempel slaap, want hulle was verantwoordelik vir die bewaking van die tempel en moes dit elke môre oopsluit. ₂₈Party van die Leviete moes vir die offergereedskap sorg, want hulle moes elke keer die regte getal voorsien en die regte getal terugneem. ₂₉Party van hulle moes vir die ander gereedskap sorg, al die gereedskap wat in die heiligdom gebruik is, en vir die meel, die wyn, die olie, die wierook en die speserye.

₃₀Party lede van die priesterorde het die speserysalf gemeng. ₃₁Een van die Leviete, Mattitja, en die oudste seun van die Koragiet Sallum, was amptelik verantwoordelik vir die bakkery. ₃₂Van hulle ampsgenote uit die Kehatgeslag moes sorg dat die offerbrood elke sabbat reggesit word. ₃₃Sommige Levitiese familiehoofde was verantwoordelik vir die tempelsang. Hulle het in die kamers gebly, en was vrygestel van ander diens sodat hulle voltyds aandag kon gee aan hulle taak.

₃₄Dit is dan die Levitiese familiehoofde wat volgens hulle stamboom die leiers was. Hulle het in Jerusalem gewoon.

₃₅Jeïel die vader van Gibeon het in die stad Gibeon gewoon. Sy vrou se naam was Maäka. ₃₆Sy oudste seun was Abdon, en verder was daar Sur, Kis, Baäl, Ner, Nadab, ₃₇Gedor, Agjo, Seker en Miklot. ₃₈Miklot was die vader van Sima. Hulle met hulle verwante het by hulle ampsgenote in Jerusalem gewoon.

₃₉Ner was die vader van Kis, en Kis die vader van Saul. Saul was die vader van Jonatan, Malkisua, Abinadab en Es-Baäl. ₄₀Jonatan se seun was Meribbaäl en Meribbaäl was die vader van Miga. ₄₁Die seuns van Miga was Piton, Melek, Tagrea ₄₂en Agas, vader van Jehoadda. Jehoadda was die vader van Alemet, Asmawet en Simri. Simri was die vader van Mosa, ₄₃en Mosa die vader van Bina. Dié se seun was Refaja, sý seun Elasa, en sý seun Asel. ₄₄Asel het ses seuns gehad. Hulle name was Asrikam, Bokeru, Ismael, Searja, Obadja en Ganan. Hulle was die seuns van Asel.

₁Die Filistyne het Israel aangeval. Die Israeliete het vir hulle gevlug, en van die manskappe het op Gilboaberg gesneuwel. ₂Toe het die Filistyne op Saul en sy seuns toegesak. Hulle het Saul se seuns Jonatan, Abinadab en Malkisua neergevel ₃en toe die aanval op Saul toegespits. Die boogskutters het hom in die oog gekry en hy het bang vir hulle geword, ₄en vir sy wapendraer gesê: “Trek jou swaard en steek my daarmee dood dat daardie heidene nie kom en my in oneer laat sterf nie.”

Maar sy wapendraer wou nie, want hy was baie bang. Saul vat toe self die swaard en val daarin. ₅Toe sy wapendraer sien Saul is dood, val hy ook in sy swaard en sterf. ₆So is Saul en sy drie seuns, ja, al sy seuns, saam dood.

₇Die Israeliete wat in die laagte gewoon het, het gesien dat die manskappe gevlug het en dat Saul en sy seuns dood is. Hulle het toe hulle stede verlaat en ook gevlug, en die Filistyne het die stede beset en daar gaan woon. ₈Toe die Filistyne die dag na die geveg die lyke kom stroop, kry hulle Saul en sy seuns daar waar hulle op Gilboaberg geval het. ₉Die Filistyne het hom ook gestroop, sy kop en sy wapens saamgevat en dié in die land van die Filistyne rondgestuur om die goeie nuus aan hulle afgode en hulle mense bekend te maak. ₁₀Daarna het hulle sy wapenrusting in hulle tempel gesit en sy kopbeen teen die Dagonstempel vasgeslaan.

₁₁Toe die mense van Jabes in Gilead hoor wat die Filistyne alles met Saul gedoen het, ₁₂het die weerbare manne almal gegaan en die lyk van Saul en dié van sy seuns na Jabes toe gebring. Hulle het hulle onder 'n groot boom in Jabes begrawe en daarna sewe dae lank gevas.

₁₃Saul is dood oor die troubreuk wat hy teenoor die Here begaan het deurdat hy aan die bevel van die Here ongehoorsaam was, en ook deurdat hy raad gevra het by 'n gees ₁₄in plaas van die Here te raadpleeg. Daarom het die Here hom doodgemaak en sy koningskap laat oorgaan op Dawid seun van Isai.

₁Van Dawid.