Na die Woord – Dag 137

₁Adam, Set, Enos, ₂Kenan, Mahalalel, Jered, ₃Henog, Metusalag, Lameg, ₄Noag.

Noag se seuns was Sem, Gam en Jafet.

₅Die geslag van Jafet:

Gomer, Magog, die Mediërs, die Grieke, Tubal, Mesek en Tiras. ₆Die nageslag van Gomer: Askenas, Rifat en Togarma. ₇Uit Griekeland het Elisa, Tarsis, die Kittiërs en die Rodaners voortgekom.

₈Die nageslag van Gam:

Kus, Egipte, Put en Kanaän. ₉Die nageslag van Kus: Seba, Gawila, Sabta, Rama en Sabteka. Die nageslag van Rama: Skeba en Dedan. ₁₀Uit Kus het Nimrod gekom, die eerste maghebber op die aarde. ₁₁Uit Egipte het gekom die Ludeërs, Anammers, Lehabeërs, Naftoagiete, ₁₂Patrosane en die Kaslugiete uit wie die Filistyne kom, en die Kaftorane. ₁₃Uit Kanaän het gekom Sidon wat as sy oudste seun geld, en verder Het, ₁₄die Jebusiete, Amoriete, Girgasiete, ₁₅Hewiete, Erekiete, Siniete, ₁₆Arwadters, Semariërs en die mense van Hamat.

₁₇Die nageslag van Sem:

Elam, Assirië, Arpaksad, Lud, Aram, Us, Gul, Geter en Mesek. ₁₈Uit Arpaksad het Selag gekom, en uit Selag Heber. ₁₉Vir Heber is twee seuns gebore. Die naam van die een was Peleg, want in sy tyd is die land verdeel, en die naam van sy broer was Joktan. ₂₀Uit Joktan het gekom Almodad, Selef, Gasarmawet, Jerag, ₂₁Hadoram, Usal, Dikla, ₂₂Obal, Abimael, Skeba, ₂₃Ofir, Gawila en Jobab. Hulle almal het uit Joktan voortgekom.

₂₄Sem, Arpaksad, Selag, ₂₅Heber, Peleg, Reü, ₂₆Serug, Nahor, Tera en ₂₇Abram, later Abraham genoem.

₂₈Die seuns van Abraham was Isak en Ismael. ₂₉Die oudste, Ismael, se nakomelinge was Nebajot, Kedar, Adbeël, Mibsam, ₃₀Misma, Duma, Massa, Gadad, Tema, ₃₁Jetur, Nafis en Kedma. Hulle was die seuns van Ismael. ₃₂Die seuns van Ketura, Abraham se byvrou: sy was die moeder van Simran, Joksan, Medan, Midian, Jisbak en Suag. Die seuns van Joksan was Skeba en Dedan, ₃₃en die seuns van Midian was Efa, Efer, Ganok, Abida en Eldaä. Hulle het almal uit Ketura voortgekom.

₃₄Abraham was ook die vader van Isak. Die seuns van Isak was Esau en Israel. ₃₅Die seuns van Esau was Elifas, Reüel, Jeüs, Jalam en Korag. ₃₆Die seuns van Elifas was Teman, Omar, Sefo, Gatam, Kenas, Timna en Amalek. ₃₇Die seuns van Reüel was Nagat, Serag, Samma en Missa. ₃₈Die seuns van Seïr was Lotan, Sobal, Sibon, Ana, Dison, Eser en Disan. ₃₉Die seuns van Lotan was Gori en Hemam. Timna was Lotan se suster. ₄₀Die seuns van Sobal was Alwan, Managat, Ebal, Sefi en Onam. Die seuns van Sibon was Aja en Ana. ₄₁Die seun van Ana was Disan. Die seuns van Disan was Gemdan, Esban, Jitran en Keran. ₄₂Die seuns van Eser was Bilhan, Saäwan en Akan. Die seuns van Dison was Us en Aran.

₄₃Hier volg nou die name van die konings wat in Edom geregeer het voordat konings oor die Israeliete geregeer het: eers Bela seun van Beor. Sy stad se naam was Dinhaba. ₄₄Na Bela se dood het Jobab seun van Serag, uit Bosra, hom as koning opgevolg. ₄₅Na Jobab se dood is hy as koning opgevolg deur Gusam, uit die land van die Temaniete. ₄₆Na Gusam se dood is hy as koning opgevolg deur Hadad seun van Bedad, wat vir Midian in die gebied van Moab verslaan het. Sy stad se naam was Awit. ₄₇Na Hadad se dood is hy as koning opgevolg deur Samla van Masreka. ₄₈Na Samla se dood is hy as koning opgevolg deur Saul van Regobot-aan-die-Rivier. ₄₉Na Saul se dood is hy as koning opgevolg deur Baäl-Ganan seun van Akbor. ₅₀Na Baäl-Ganan se dood is hy as koning opgevolg deur Hadar. Die naam van sy stad was Paü, en sy vrou se naam was Mehetabel dogter van Matred, dogter van Me-Sahab.

₅₁Na Hadar se dood was daar egter stamhoofde aan die bewind in Edom: Timna, Alwa, Jetet, ₅₂Oholibama, Ela, Pinon, ₅₃Kenas, Teman, Mibsar, ₅₄Magdiël en Iram. Hulle was die stamhoofde van Edom.

₁Hier volg die name van die seuns van Israel: Ruben, Simeon, Levi, Juda, Issaskar, Sebulon, ₂Dan, Josef, Benjamin, Naftali, Gad en Aser.

₃Die seuns van Juda was Er, Onan en Sela, die drie wat vir hom gebore is uit sy Kanaänitiese vrou Bat-Sua. Er, Juda se oudste seun, het die Here mishaag en Hy het hom laat sterwe. ₄Juda se skoondogter Tamar het vir hom Peres en Serag in die wêreld gebring. Hy het dus altesaam vyf seuns gehad.

₅Die seuns van Peres was Gesron en Gamul, ₆en die seuns van Serag was Simri, Etan, Heman, Kalkol en Darda, vyf altesaam.

₇Die seun van Karmi was Akan wat hom aangematig het om te vat wat aan die Here gewy was en so die dood oor Israel gebring het. ₈Die seun van Etan was Asarja.

₉Die seuns wat vir Gesron gebore is, was Jeragmeël, Ram en Kaleb. ₁₀Ram was die vader van Amminadab, en Amminadab was die vader van Nagson, die heerser oor die Judeërs. ₁₁Nagson was die vader van Salmon, Salmon die vader van Boas, ₁₂Boas die vader van Obed, en Obed die vader van Isai. ₁₃Isai was die vader van Eliab sy oudste, Abinadab sy tweede seun, Samma sy derde, ₁₄Netanel sy vierde, Raddai sy vyfde, ₁₅Osem sy sesde en Dawid sy sewende seun.

₁₆Hulle susters was Seruja en Abigal. Seruja se drie seuns was Abisai, Joab en Asael. ₁₇Abigal was Amasa se ma en sy pa was Jeter die Ismaeliet.

₁₈Gesron se seun Kaleb was die pa van 'n dogter, Jeriot, by sy eerste vrou, Asuba. Jeser, Sobab en Ardon was ook haar seuns. ₁₉Na Asuba se dood het Kaleb met Efrata getrou, en sy het vir hom Gur in die wêreld gebring. ₂₀Gur was die vader van Uri, en Uri van Besaleël. ₂₁Later het Gesron met 'n dogter van Makir, voorvader van Gilead, getrou. Gesron was toe sestig jaar oud, en sy vrou het Segub vir hom in die wêreld gebring. ₂₂Segub was die vader van Jaïr, wat drie en twintig dorpe in Gilead besit het. ₂₃Gesur en Aram het die tentdorpe van Jaïr verower saam met Kenat en sy buitedorpe, sestig dorpe in totaal. Hulle was almal seuns van Makir, vader van Gilead. ₂₄Na Gesron se dood het Kaleb gemeenskap gehad met Efrata, 'n vrou van sy vader Gesron, en sy het vir hom Asgur, die vader van Tekoa, in die wêreld gebring.

₂₅Die oudste seun van Gesron, Jeragmeël, se seuns by Agija was Ram, die oudste, en verder Buna, Oren en Osem. ₂₆Jeragmeël het nog 'n vrou gehad. Haar naam was Atara, en sy was die ma van Onam.

₂₇Ram, die oudste seun van Jeragmeël, se seuns was Maäs, Jamin en Eker. ₂₈Onam se seuns was Sammai en Jada, en Sammai se seuns was Nadab en Abisur. ₂₉Die naam van Abisur se vrou was Abihajil, en sy het vir hom Agban en Molid in die wêreld gebring. ₃₀Die seuns van Nadab was Seled en Appajim, maar Seled het kinderloos gesterf. ₃₁Appajim het 'n seun Jisi gehad. Jisi se seun was Sesan, en Sesan was die vader van Aglai.

₃₂Jada se seuns was Agi, Sammai, Jeter en Jonatan. Jeter het kinderloos gesterf. ₃₃Jonatan se seuns was Pelet en Sasa. Hierdie mense was almal nakomelinge van Jeragmeël.

₃₄Sesan het nie seuns gehad nie, net dogters. Hy het 'n Egiptiese slaaf met die naam Jarga gehad, ₃₅en hy het toe 'n dogter van hom met sy slaaf Jarga laat trou. Sy het vir Jarga 'n seun Attai in die wêreld gebring. ₃₆Attai was die vader van Natan, Natan die vader van Sabad, ₃₇Sabad van Eflal, Eflal van Obed, ₃₈Obed van Jehu, en Jehu die vader van Asarja. ₃₉Asarja was die vader van Geles, Geles van Elasa, ₄₀Elasa van Sismai, Sismai van Sallum, ₄₁Sallum van Jekamja en Jekamja die vader van Elisama.

₄₂Die geslag van Kaleb, Jeragmeël se broer, was soos volg: Mesa, sy oudste seun, was die vader van Sif, terwyl die seun van Maresa die vader van Hebron was. ₄₃Die seuns van Hebron was Korag, Tappuag, Rekem en Sema. ₄₄Sema was die vader van Ragam, vader van Jorkoam. Rekem was die vader van Sammai. ₄₅Sammai het 'n seun Maon gehad, en Maon was die vader van Bet-Sur. ₄₆Kaleb se byvrou Efa het vir Garan, Mosa en Gases in die wêreld gebring. Garan was die vader van Gases. ₄₇Die seuns van Jodai was Regem, Jotam, Gesan, Pelet, Efa en Saäf. ₄₈Nog 'n byvrou van Kaleb, Maäka, het vir Seber en Tirgana in die wêreld gebring. ₄₉Sy het ook vir Saäf, vader van Madmanna, en vir Sewa, vader van Makbena en Giba, in die wêreld gebring. Aksa was 'n dogter van Kaleb. ₅₀Dit dan was Kaleb se nakomelinge.

Die seuns van Gur, die oudste seun van Efrata, was Sobal vader van Kirjat-Jearim, ₅₁Salma vader van Betlehem, en Garef vader van Bet-Gader. ₅₂Uit Sobal vader van Kirjat-Jearim het gekom: Reaja, die helfte van Managat se mense, ₅₃en die volgende geslagte van Kirjat-Jearim: die Jitreërs, Puteërs, Sumaners en Misraners. Uit hulle het die Soraners en Estaolers voortgekom. _54-55Betlehem, die Netofaners, Atrot-Bet-Joab, die ander helfte van Managat se mense, die Soreërs, en die skrywersgeslagte wat in Jabes woon, naamlik die Tirateërs, Simateërs en Sukateërs, was nakomelinge van Salma. Hulle is die Keniete wat van Gammat vader van Bet-Rekab afstam.

₁Die volgende was Dawid se seuns wat in Hebron vir hom gebore is: die oudste was Amnon uit die Jisreëlitiese vrou Aginoam; die tweede Daniël uit die Karmelitiese vrou Abigajil; ₂die derde, Absalom, was 'n seun van Maäka dogter van koning Talmai van Gesur; die vierde, Adonia, was 'n seun van Gaggit; ₃die vyfde, Sefatja, se ma was Abital; en die sesde, Jitream, was die seun van Dawid se vrou Egla. ₄Dié ses is vir hom in Hebron gebore, waar hy sewe jaar en ses maande lank koning was. In Jerusalem was hy drie en dertig jaar lank koning. ₅Die volgende seuns is vir hom in Jerusalem gebore: Sima, Sobab, Natan en Salomo, al vier seuns van Batseba dogter van Ammiël, ₆en verder die nege seuns Jibgar, Elisua, Elpelet, ₇Noga, Nefeg, Jafia, ₈Elisama, Eljada en Elifelet. ₉Behalwe die seuns van die byvroue was dit al Dawid se seuns, maar hulle het 'n suster ook gehad: Tamar.

₁₀Die seun van Salomo was Rehabeam, en die geslag loop dan oor Abia, Asa, Josafat, ₁₁Joram, Ahasia, Joas, ₁₂Amasia, Asarja, Jotam, ₁₃Agas, Hiskia, Manasse ₁₄en Amon tot by Josia. ₁₅Josia se seuns was: Joganan, die oudste, die tweede oudste Jojakim, die derde Sedekia en die vierde Sallum. ₁₆Die seuns van Jojakim was Jojagin en Sedekia. ₁₇Die seuns van die balling Jojagin was Sealtiël, ₁₈Malkiram, Pedaja, Senassar, Jekamja, Hosama en Nedabja. ₁₉Die seuns van Pedaja was Serubbabel en Simi. Die seuns van Serubbabel was Mesullam en Gananja wat 'n suster Selomit gehad het, ₂₀en verder die vyf seuns Gasuba, Ohel, Berekja, Gasadja en Jusab-Gesed. ₂₁Gananja se seuns was Pelatja en Jesaja, en die seuns van Refaja was Arnan, Obadja en Sekanja. ₂₂Die ses seuns van Sekanja was Semaja, Gattus, Jigal, Bariag, Nearja en Safat. ₂₃Nearja het drie seuns gehad: Eljoënai, Hiskia en Asrikam. ₂₄Eljoënai se sewe seuns was Hodauja, Eljasib, Pelaja, Akkub, Joganan, Delaja en Anani.

₁Die seuns van Juda was: Peres, Gesron, Karmi, Gur en Sobal. ₂Sobal se seun Reaja was die vader van Jagat, en Jagat die vader van Agumai en Lahad. Hulle is die Soranergeslagte. ₃Die seuns van Etam was Jisreël, Jisma en Jidbas. Die naam van hulle suster was Selelponi. ₄Penuel was die vader van Gedor, en Eser die vader van Gusa. Hulle het voortgekom uit Gur, die oudste seun van Efrata, vader van Betlehem. ₅Asgur, vader van Tekoa, het twee vrouens gehad, Gela en Naära. ₆Naära het vir hom Agussam, Gefer, Temni en Agastari in die wêreld gebring. Hulle was die seuns van Naära. ₇Gela se seuns was Seret, Sogar en Etnan. ₈Kos was die voorvader van Anub en Sobeba en van die geslagte van Agargel seun van Harum. ₉Jabes het voorrang geniet bo sy broers. Toe sy ma hom die naam Jabes gegee het, het sy gesê: “Ek het hom met smart in die wêreld gebring.”

₁₀Jabes het die God van Israel aangeroep met die woorde: “Stort u seën oor my uit, vergroot my grondgebied, neem my onder u beskerming en weerhou onheil van my sodat geen smart my tref nie.”

God het laat gebeur wat hy gevra het.

₁₁Kelub broer van Suga was die vader van Megir. Dié was die vader van Eston. ₁₂Eston was die vader van Bet-Rafa, Paseag en Teginna vader van Ir-Nagas. Hulle is die mense van Reka.

₁₃Die seuns van Kenas was Otniël en Seraja, en die seuns van Otniël was Gatat ₁₄en Meonotai, wat die vader was van Ofra. Seraja was die vader van Joab, stigter van Vakmansdal; hulle was vakmanne. ₁₅Die seuns van Kaleb seun van Jefunne was Iru, Ela en Naäm. Die seun van Ela was Kenas. ₁₆Die seuns van Jehallelel was Sif, Sifa, Tireja en Asarel. ₁₇Die seuns van Esra was Jeter, Mered, Efer en Jalon. Mered was die vader van Mirjam, Sammai en Jisbag vader van Estemoa. ₁₈Mered se Judese vrou was die moeder van Jered vader van Gedor, Geber vader van Soko, en Jekutiël vader van Sanoag. Die ander was seuns van Bitja, 'n farao se dogter met wie Mered getroud was. ₁₉Hodija se vrou was 'n suster van Nagam vader van Keïla. Haar seuns was Garmi en Estemoa van Maäka. ₂₀Die seuns van Simon was Amnon en Rinna, die seun van Ganan was Tilon en die seun van Jisi was Soget. Soget het ook 'n seun gehad. ₂₁Uit die geslag van Sela seun van Juda was daar Er vader van Leka, en Lada vader van Maresa, en die linnewerkersgildes van Bet-Asbea. ₂₂Verder was daar nog Jokim en die mense van Koseba, asook Joas en Saraf wat in Moab gesag gevoer het, en Jasubi-Legem. Hierdie lyste kom uit 'n ou oorlewering. ₂₃Hierdie mense was die pottebakkers wat in Netaïm en Gedera by die koning gewoon het. Hulle het daar gewoon omdat hulle in sy diens was.

₂₄Die seuns van Simeon was Jemuel, Jamin, Jarib, Serag en Saul. ₂₅Saul se seun was Sallum, dié se seun Mibsam, dié se seun Misma. ₂₆Die seun van Misma was Gammuel, dié se seun Sakkur, dié se seun Simi. ₂₇Simi het sestien seuns en ses dogters gehad, maar sy broers het nie baie kinders gehad nie, en al hulle geslagte saam was daarom nie soveel as dié van die Judeërs nie. ₂₈Hulle het gewoon in Berseba, Molada, Gasar-Sual, ₂₉Baäla, Esem, Eltolad, ₃₀Betuel, Gorma, Siklag, ₃₁Bet-Markabot, Gasar-Susim, Bet-Biri en Saärajim. Dit was hulle stede totdat Dawid koning geword het. ₃₂Hulle buiteposte was Etam, Ajin, Rimmon, Token en Asan, vyf stede. ₃₃Verder was hulle woonplekke al die buiteposte wat rondom dié stede was, tot by Baäl, en hulle is so in die geslagsregister opgeneem.

₃₄Mesobab, Jamlek, Josa seun van Amasia, ₃₅Joël, Jehu seun van Josibja, seun van Seraja, seun van Asiël, ₃₆Eljoënai, Jaäkoba, Jesogaja, Asaja, Adiël, Jesimiël, Benaja, ₃₇Sisa seun van Sifi, seun van Allon, seun van Jedaja, seun van Simri, seun van Semaja, ₃₈is mense wie se name in die lys opgeneem is. Hulle was heersers oor hulle geslagte, en hulle families was talryk. ₃₉Hulle het getrek tot by die ingang van Gedor, oos van die laagte, op soek na weiveld vir hulle kleinvee, ₄₀en hulle het geil en goeie weiveld gekry. Die wêreld was oop na alle kante toe en ook rustig en stil. Mense van Gam het tevore daar gewoon, ₄₁maar in die tyd van koning Hiskia van Juda het hierdie mense wie se name in die lys opgeneem is, daar ingetrek en die nedersettings van Gam verslaan, asook die Meüniete wat daar te vinde was. Die Simeoniete het hulle heeltemal uitgewis en in hulle plek gaan woon, want daar was weiveld vir die Simeoniete se kleinvee. ₄₂Verder het van hulle, dit is van die Simeoniete, vyf honderd man na Seïrberg toe getrek. Aan hulle hoof was Pelatja, Nearja, Refaja en Ussiël, seuns van Jisi. ₄₃Hulle het wat oor was van Amalek, verslaan en woon nou nog daar.

₁Ruben was die oudste seun van Israel, maar omdat hy bloedskande gepleeg het met 'n vrou van sy pa, is sy rang van oudste seun oorgedra op die seuns van Josef seun van Israel, en daarom word Ruben nie as oudste in die geslagsregister opgeneem nie. ₂Juda het wel oor sy broers gesag verkry, en uit hom het die koning voortgekom, maar Josef het die rang van oudste seun gehad. ₃Die seuns van Ruben, oudste seun van Israel, was Ganok, Pallu, Gesron en Karmi. ₄Die afstammelinge van Joël was in volgorde: Semaja, Gog, Simi, ₅Miga, Reaja, Baäl ₆en Beëra vir wie koning Tiglat-Pileser van Assirië gevange weggevoer het. Beëra was 'n heerser oor die stam Ruben. ₇Sy broers, soos hulle naas sy geslag volgens afstamming opgeneem is in die lys, was Jeïel, die leier, en verder Sagaria ₈en Bela seun van Asas, seun van Sema, seun van Joël. Hulle het gewoon in Aroër en tot by Nebo en Baäl-Meon. ₉Na die oostekant toe het hulle gewoon tot teen die woestyn aan die Eufraatrivier, want hulle vee het baie geword in Gilead. ₁₀In Saul se tyd het hulle 'n aanval gemaak op die Hagareërs, hulle verslaan en in hulle nedersettings gaan woon in die hele oostelike deel van Gilead.

₁₁Teenoor die Rubeniete het die Gadiete in Basan gewoon, tot by Salka. ₁₂Joël was die hoof en Safam die tweede in rang. Verder was daar in Basan ook nog Janai en Safat. ₁₃Hulle stamgenote volgens hulle families was Migael, Mesullam, Seba, Jorai, Jakan, Sia en Eber, sewe altesaam. ₁₄Dié was afstammelinge van Abigajil seun van Guri, seun van Jaroag, seun van Gilead, seun van Migael, seun van Jesisai, seun van Jagdo, seun van Bus. ₁₅Agi seun van Abdiël, seun van Guni, was hulle familiehoof. ₁₆Hulle het gewoon in Gilead, in Basan en sy voorposte en in al die veegebiede van Saron sover as wat dié gestrek het. ₁₇Hulle is almal in die register opgeneem in die tyd van koning Jotam van Juda en koning Jerobeam van Israel.

₁₈Van die Rubeniete, Gadiete en die halwe Manassestam was vier en veertig duisend sewe honderd en sestig weerbare manne, vegsmanne met skild en swaard gewapen, boogskutters en opgeleide vegters. ₁₉Toe hulle die Hagareërs, en vir Jetur, Nafis en Nodab aangeval het, ₂₀het hulle hulp ontvang en is die Hagareërs en al hulle bondgenote aan hulle onderwerp. Hulle het God in die stryd aangeroep en Hy het hulle verhoor omdat hulle hulle vertroue in Hom gestel het. ₂₁Aan vee het hulle vyftig duisend kamele gebuit, twee honderd en vyftig duisend stuks kleinvee en twee duisend donkies, en hulle het ook nog honderd duisend gevangenes weggevoer. ₂₂Daar het bowendien baie mense gesneuwel, want dit was 'n oorlog wat deur God gevoer is. Hulle het toe die verowerde gebied bewoon tot met die ballingskap.

₂₃Die halwe Manassestam het gewoon in die streek van Basan af tot by Baäl-Hermon en Senir en Hermonberg. Hulle was baie. ₂₄Hulle familiehoofde was die volgende: Efer, Jisi, Eliël, Asriël, Jeremia, Hodauja en Jagdiël, almal vermoënde en gesiene manne wat leiers van hulle families was.

₂₅Maar hierdie stamme was ontrou aan die God van hulle voorvaders en het oorgeloop na die gode van die landsbevolking wat ter wille van hulle deur God uitgeroei is. ₂₆Daarom het die God van Israel vir koning Pul van Assirië, dit is Tiglat-Pileser, aangehits, en dié het hulle as krygsgevangenes weggevoer. Hy het die Rubeniete, die Gadiete en die halwe Manassestam verplaas na Galag, Gabor, Hara en die Gosanrivier, waar hulle nou nog is.

₁Van Dawid.