Hy is altyd by jou – Dag 5
![](https://cms.ibep-prod.com/app/uploads/sites/14/2023/04/Come_to_me_Gen_HERO.jpg)
![](https://cms.ibep-prod.com/app/uploads/sites/14/2023/04/Come_to_me_Gen_HERO.jpg)
ʼn Wonderlike belofte
Bybelteks(te)
JESAJA 9
1 KORINTIËRS 1
FILIPPENSE 4
FILIPPENSE 4
JOHANNES 14
Hierdie Skrifgedeelte, ʼn profesie wat die koms van die Messias aankondig, word dikwels tydens Kerstyd gelees. Jesaja se beskrywing van Jesus Christus in hierdie gedeelte is waarskynlikheid die merkwaardigste in die hele Ou Testament. Hy vertel vir sy mense wat in ballingskap is, en ook vir ons, dat die Messias as ʼn mensekind gebore sal word, en tog sal hierdie kind die heilige Seun van God wees. Hy sal genoem word:
“Wonderbare Raadsman” – Hy is volkome wysheid (1 Korintiërs 1:30);
“Magtige God” – Hy gee krag (Filippense 4:13);
“Ewige Vader” – Hy is liefde (Johannes 14:21);
“Vredevors” – Hy is vrede wat alle verstand te bowe gaan (Filippense 4:7).
Hierdie eeue oue profesie herinner ons daaraan dat dinge nie net lukraak gebeur nie en dat Christus nie net toevalling na hierdie wêreld toe gekom het nie. God het daardie spesiale oomblik in die geskiedenis van die mensdom gekies as die middelpunt van tyd self. Alles wat voor Christus se geboorte gebeur het, lei tot daardie heilige oomblik; en alles wat daarna gebeur, word tot in ewigheid daardeur geraak. Ons wêreld sou nie dieselfde gewees het as Christus nooit gebore is nie.
Die tyd en plek van sy koms was nie net per toeval nie. Daardie oomblik is so deur God gekies sodat ons lewens verander en herstel kan word en ons met die kennis wat ons vandag van Jesus het, ingelig kan leef. Met ander woorde, alles het ʼn doel, ʼn plan, ʼn spesiale tyd en ʼn heilige betekenis.