Die seën van vrugbaarheid – Dag 303

₉Ek sal na julle omsien en vir julle sorg: julle sal bewerk en beplant word. ₁₀Ek sal sorg dat daar baie mense op julle woon, die hele Israel. Die stede sal weer bewoon word, die puinhope herbou word. ₁₁Ek sal sorg dat daar baie mense en diere op julle is, en hulle sal vrugbaar wees en vermeerder. Ek laat mense op julle woon soos vroeër, dit sal met julle beter gaan as vroeër en julle sal besef dat Ek die Here is.