Novum Testamentum Graece

Die Novum Testamentum Graece is die algemeenste teksuitgawe van die Griekse Nuwe Testament wat gebruik word. Sedert 1898 verskyn daar gereeld nuwe uitgawes. Hierdie reeks uitgawes staan bekend as die Nestle-Aland, en is vernoem na die beroemde Nestle en Aland wat vir die eerste uitgawes verantwoordelik was.

Tans is daar tussen 5 500 en 6 000 teksmanuskripte van die Nuwe Testament. Daar is ʼn groot mate van variasie tussen hierdie manuskripte. Daar is eintlik nie ʼn enkele vers in die Nuwe Testament wat presies dieselfde is in al die manuskripte waarin dit voorkom nie. Deur die eeue het kopieerders met opset of per abuis die teks aangepas. Die Nestle-Aland probeer om die ou teks op grond van al die teksvariante te rekonstrueer.