Tekskritiek van die Nuwe Testament

Ons het baie manuskripte en papiri van die Nuwe Testamentiese tekste. Sommige dateer uit die tydperk kort nadat die boeke van die Nuwe Testament geskryf is. Die tekskritiek van die Nuwe Testament maak gebruik van al hierdie tekste.

Moderne uitgawes van die Griekse Nuwe Testament bied ʼn kritiese uitgawe van die teks aan. Dit wil sê, ʼn teks wat nie slegs een manuskrip volg nie, maar die beste, oorspronklikste teks uit al die manuskripte rekonstrueer. ʼn Kritiese uitgawe is daarom ʼn saamgestelde teks wat op al die beskikbare materiale gebaseer is.