Granaat

Die granaat is die vrug van ʼn struikagtige boom wat ongeveer ses meter hoog kan word. Die ronde vrug is skarlakenrooi van kleur en stervormig wanneer dit oopgesny word. Dit bevat baie sade.

Die granaat is ʼn simbool van skoonheid en vrugbaarheid. In Hooglied 4:3 (1933/1953-vertaling) vergelyk die man die vrou se slape met die helftes van ʼn granaat.

Die soom van die hoëpriester se mantel is versier met ʼn granaatmotief (Eksodus 28:33-34).

Die granaat kan ook op die dekoratiewe kapitele in Salomo se tempel (sien 1 Konings 7:18) gevind word.