Kinders

In bybelse tye was dit belangrik om kinders te hê. Kinderloosheid was as ʼn groot probleem beskou. Anders as in vandag se tyd was kinders ʼn praktiese noodsaaklikheid.

Kinders is as ʼn gawe van God beskou (Psalm 127:3). Om kinders te hê, het verseker dat die ouers se naam bly voortbestaan. Boonop het kinders vanaf ʼn jong ouderdom met werk in die huis en op die land gehelp. Uiteindelik het hulle na hulle ouers omgesien wanneer hulle ouer geword het en hulp nodig het.