Familie

Familie was baie belangrik in die bybelse tyd. Familie beteken hier ʼn uitgebreide familie, ʼn pa en sy vrou (of vroue), kinders, skoondogters, kleinkinders en slawe.

ʼn Familie kon bestaan het uit 50 tot 100 mense en verskeie geslagte, wat almal naby aan mekaar gewoon het.

Verskeie families saam het ʼn familiegroep en ʼn aantal familiegroepe saam het ʼn stam gevorm.

Families was patriargaal: herkoms en eiendom het deur die manlike geslagslyn geloop. Sodra ʼn dogter getrou het, het sy by haar man se familie gaan woon.