Huiskerk

Die boek Handelinge vertel ons dat die eerste gelowiges brood gebreek het “in mekaar se huise” en dat hele families gedoop is. In Paulus se briewe stuur hy gereeld groete van en na ʼn gemeente wat in iemand se huis bymekaar kom.

In die eerste eeu het Christene nie in spesiale kerkgeboue bymekaar gekom nie. Hulle byeenkomste was in die huise van welgestelde gemeentelidmate. Hierdie huise het plek gehad vir hoogstens 30 tot 40 mense. Daar was sonder twyfel verskeie van hierdie huiskerke in Korinte en Rome.