Geregtigheid

Geregtigheid is een van die belangrikste bybelse waardes, sowel in die Ou Testament as in die Nuwe Testament. “Geregtigheid” is sinoniem met “regverdigheid”. Hierdie twee terme verwys min of meer na soortgelyke begrippe.

Die presiese betekenis van die Hebreeuse en Griekse woorde wat met “geregtigheid” of “regverdigheid” vertaal word, kan nie in ʼn enkele regsterm vasgevang word nie. Boonop verskil menings oor die betekenis, maar dit is waarskynlik dat geregtigheid verband hou met die handhawing van die regte (regverdige) orde wat God daargestel het.

In werklikheid behels dit onder meer om billike oordele te vel en mense wat arm en verdruk is te beskerm.