Gad

Gad is die oudste seun van Jakob en Silpa, en die broer van Aser. Hy is een van die stamvaders van die volk Israel. Sy moeder is Silpa, maar hy word beskou as een van Lea se kinders. Gad speel nie ʼn spesifieke rol in die verhale omtrent Jakob se kinders nie.

Die naam Gad beteken “geluk”. Nadat Lea vier seuns in die wêreld gebring het, gee sy haar slavin Silpa aan Jakob as ʼn byvrou, om meer kinders deur haar te kry. Silpa het twee seuns by Jakob, Gad en Aser. By Gad se geboorte sê Lea: “Nou is ek gelukkig!” (Genesis 30:11), en daarom gee sy hom die naam Gad.