Debora

Debora is die enigste vroulike rigter in die boek Rigters. Sy word ook ʼn profetes genoem. Onder Debora en Barak se leiding verslaan die leër van Israel die leër van die Kanaäniete (Rigters 4). Hierdie oorwinning word ook gevier in die oorwinningslied van Debora en Barak in Rigters 5.

Die naam Debora beteken “heuningby”. In Rigters 4 – 5 word egter geen spesiale betekenis aan hierdie naam gegee nie. Ander vroue in die Bybel met die naam Debora is die vrou aan wie Rebekka as kind gedrink het (Genesis 35:8) en die oumagrootjie van Tobit (Tobit 1:8).