2 Konings: Struktuur

2 Konings bevat die voortsetting van die historiese weergawes omtrent die koninkryke van Israel en Juda. Dit kan hoofsaaklik in twee afdelings verdeel word:

Die eerste deel van hierdie boek (2 Konings 1 – 17) vertel die geskiedenis van albei koninkryke. Dit begin met die regering van koning Ahasia van Israel in die middel van die negende eeu v.C., en dit eindig met die verowering van die hoofstad Samaria in 722 v.C. Die meerderheid van die inwoners is weggevoer.

Die tweede deel (2 Konings 18 – 25) bied die verhaal van die koninkryk van Juda aan. Dit begin met die verval van die koninkryk van Israel en eindig met die verwoesting van Jerusalem deur Nebukadnesar, die koning van Babel, in 587 v.C.

Die verwoesting van die tempel in Jerusalem en die begin van die Babiloniese ballingskap vorm ʼn groot keerpunt in die geskiedenis van die volk Israel.

Die verskeie konings word beskryf volgens ʼn vaste patroon. Die volgende punte word altyd vermeld: