Induduzo evela eZwini – Day 22

₁UNkulunkulu uyisiphephelo sethu namandla ethu;

ufunyaniswa elusizo impela ekuhluphekeni.

₂Ngakho-ke asiyikwesaba

nokuba kuguquka umhlaba,

nezintaba zidilikela ekujuleni kolwandle,

₃nokuba amanzi alo ehlokoma,

ekhephuza,

nezintaba zizamazama ngokukhukhumala kwalo. Sela*

₇UJehova Sebawoti unathi;

uNkulunkulu kaJakobe uyinqaba yethu. Sela*

₁₀Thulani, niqonde ukuthi mina nginguNkulunkulu;

ngiyakuphakama phakathi kwabezizwe,

ngiphakame emhlabeni.

₁₁UJehova Sebawoti unathi;

uNkulunkulu kaJakobe uyinqaba yethu. Sela*

₁Ubusisiwe onakekela ohluphekayo;

uJehova uyakumsindisa osukwini olubi.

₂UJehova uyakumlondoloza, amphilise;

uyakubusiswa emhlabeni;

awuyikumnikela entandweni yezitha zakhe.

₃UJehova uyakumphasa ecansini egula;

wena uyakuguqula ukhukho lwakhe ekuguleni kwakhe.

₁Ngiyakuthanda, Jehova,

mandla ami.

₂Jehova uyidwala lami, nenqaba yami, nomkhululi wami;

uNkulunkulu wami uyidwala lami engiphephela kulo,

nesihlangu sami,

nophondo lokusindiswa kwami,

inqaba yami ephakemeyo.

₂₈Ngokuba wena uyokhela isibani sami;

uJehova uNkulunkulu wami uyakhanyisa ubumnyama bami.

₂₉Ngokuba ngawe ngingahlasela impi;

ngoNkulunkulu wami ngingeqa ugange.

₃₀Indlela kaNkulunkulu iphelele;

izwi likaJehova lihlanzekile;

yena uyisihlangu kubo bonke abaphephela kuye.

₃₁Ngokuba ngubani onguNkulunkulu ngaphandle kukaJehova,

ngubani oyidwala ngaphandle kukaNkulunkulu wethu na?