Induduzo evela eZwini – Day 18

₁Nkulunkulu wami, Nkulunkulu wami,

ungishiyeleni na?

Ukude namazwi okubububula kwami nokusindiswa kwami.

₂Nkulunkulu wami,

ngikhala emini, kepha awuphenduli,

nasebusuku, ngingabi nakuthula.

₄Obaba bethu babekwethemba;

babethemba, wena wabakhulula.

₅Bakhala kuwe, bakhululwa;

bethemba wena, abaze bajabha.

₂₄Ngokuba akadelelanga,

akanengwanga yinhlupheko yohluphekayo;

akamfihlelanga ubuso bakhe,

kepha nalapha ekhala kuye, wezwa.

₁Ngisindise, Nkulunkulu,

ngokuba amanzi afikile emphefumulweni.

₂Ngishone odakeni lobishi olujulileyo, kungekho kuma;

ngingene emanzini alutwa;

imisinga iyangicwilisa.

₃Ngikhathele ukukhala kwami, umphimbo wami ushile;

amehlo ami ayafiphala ekulindeleni uNkulunkulu wami.

₂₉Mina kodwa ngihluphekile, ngibuhlungu;

insindiso yakho,

Nkulunkulu mayingilondoloze.

₃₀Ngiyakulibonga ngehubo igama likaNkulunkulu,

ngimphakamise ngokubonga.

₃₁Kuyakuthandeka kuJehova kunenkomo,

kunenkunzi enezimpondo nezinselo.

₃₂Kuyakuthi abayizivi bekubona, bajabule;

nina enifuna uNkulunkulu,

inhliziyo yenu mayiphile.

₃₃Ngokuba uJehova uyabalalela abampofu,

neziboshwa zakhe akazideleli.

₉Yiba nomusa kimi, Jehova,

ngokuba ngiyahlupheka;

iso lami liyafa usizi,

nomphefumulo wami nomzimba wami.

₁₀Ngokuba ukuphila kwami kuphelela osizini,

neminyaka yami ekububuleni;

amandla ami aphelile ngokona kwami,

namathambo ami ancunzekile.

₁₁Ngenxa yezitha zami zonke sengaba yisihlamba,

ikakhulu kubakhelwane bami ngaba ngobesabisayo abangane bami;

abangibona endleleni bayangibalekela.

₁₂Sengakhohlakala enhliziyweni njengofileyo;

nginjengesitsha esifileyo.

₁₃Ngokuba ngikuzwile ukuhleba kwabaningi

ngokwesabisayo nxazonke;

besenza icebo ngami

bahlosa ukubulala umphefumulo wami.

₁Ngikhala kuwe Jehova

ngisotweni phansi.

₂Nkosi, yizwa izwi lami;

izindlebe zakho mazilalele izwi lokuncenga kwami.

₃Uma wena Jehova uqaphela iziphambeko,

Nkosi, ngubani ongema na?

₄Kepha ukuthethelela kukuwe,

ukuze wesatshwe.

₅Ngiyalindela uJehova,

umphefumulo wami uyalinda;

ngiyalethemba izwi lakhe.

₆Umphefumulo wami uyalindela iNkosi

kunabalindi belindela ukusa.

₇U-Israyeli makamethembe uJehova,

ngokuba umusa ukuJehova,

nokukhulula okuningi kukuye.

₈Uyakumhlenga u-Israyeli

eziphambekweni zakhe zonke.