Bible Reading Plan – Day 267

₂“Umuntu angaba yinsizakalo kuNkulunkulu

ukuba ohlakaniphileyo abe nosizo kuye na?

₃Kuyintokozo yini kuSomandla,

uma ulungile,

kuyinzuzo kuye, uma wenza izindlela zakho ziphelele, na?

₄“Kungokumesaba kwakho akusolayo,

angene nawe ekwahlulelweni, na?

₅Ububi bakho abubukhulu yini?

Izono zakho azinakuphela.

₆Ngokuba uthathe ngeze izibambiso kumfowenu,

wahlubula abampofu izingubo zabo.

₇Awumphuzisanga owomileyo amanzi,

wamgodlela olambileyo ukudla.

₈Umuntu onamandla, izwe lingelakhe;

onodumo uyahlala kulo.

₉Umukisile abafelokazi bengenalutho;

izingalo zezintandane zaphuliwe.

₁₀Ngalokho izingibe ziyakuhaqa;

uvalo oluzumayo luyakwethusa.

₁₁Ukukhanya kwakho kuphenduke ubumnyama,

ukuze ungaboni,

nesikhukhula samanzi siyakusibekela.

₁₂“UNkulunkulu akakho ekuphakameni kwezulu na?

Bheka inhloko yezinkanyezi ukuthi iphakeme kangaka.

₁₃Uthi wena: ‘UNkulunkulu wazini na?

Angahlulela engale kwesigayegaye na?

₁₄Amafu ayamsibekela ukuze angaboni;

uyahamba esiyingelezini sezulu.’

₁₅Uyakugcina indlela yamandulo eyahanjwa yizoni na?

₁₆Yizo ezahlwitha kungakabi yisikhathi,

ezisisekelo sazo sathululwa njengomfula,

₁₇nezathi kuNkulunkulu: ‘Suka kithina,

ngokuba uSomandla ubeyakwenzani kubo na?’

₁₈Kepha nguye owayegcwalisa izindlu zabo ngokuhle.

Amasu ababi akude nami.

₁₉“Abalungileyo bayakukubona, bathokoze;

abangenasici bayabaklododela ngokuthi:

₂₀‘Impela ababesivukela sebechithiwe,

nabakushiyileyo umlilo ukuqedile.’

₂₁“Mawujwayelane naye, ube nokuthula;

ngalokho okuhle kuyakufika kuwe.

₂₂Mawamukele umthetho emlonyeni wakhe,

ubeke amazwi akhe enhliziyweni yakho.

₂₃Uma ubuyela kuSomandla, uyakwakhiwa,

uma udedisa okubi kude etendeni lakho,

₂₄ubeke igolide lakho othulini,

nelase-Ofiri phakathi kwamatshe eminonjana.

₂₅USomandla uyakuba yigugu lakho,

nesiliva elikhazimulayo kuwe,

₂₆ngokuba lapho uyakuthokoza ngoSomandla,

uphakamisele kuNkulunkulu ubuso bakho.

₂₇Uyakukhuleka kuye, akuzwe,

wena ugcwalise izithembiso zakho.

₂₈Uma unquma indaba, uyakuyenzelwa,

ukukhanya kukhanye ezindleleni zakho.

₂₉Uma zehla, uyakuthi: ‘Phezulu!’

abesephakanyiswa ozithobileyo.

₃₀Abantu abangemsulwa uyakubakhulula nabo,

bakhululwe ngobumhlophe bezandla zakho.”

₂“Nanamuhla ukukhala kwami kumunyu;

isandla sami siyasinda ngokububula kwami.

₃Sengathi ngingazi ukuthi ngiyakumtholaphi,

ngize ngifike endlini yakhe,

₄ngilungise ukwahlulelwa kwami phambi kwakhe,

ngigcwalise umlomo wami ngezimpendulo.

₅Bengiyakuwazi amazwi abeyakungiphendula ngawo,

ngiqonde ukuthi ubeyakuthini kimi.

₆Ubeyakuphikisana nami ngamandla akhe amakhulu na?

Cha, ubeyakubhekisa kimi.

₇Lapho olungileyo ubeyakuphikisana naye,

mina ngikhululwe kumahluleli wami kuze kube phakade.

₈Kodwa bheka, ngiya empumalanga,

kepha akakho,

nasentshonalanga, kepha angimboni,

₉nangasenyakatho ekusebenzeni kwakhe, kepha akabonwa;

ujikela ngaseningizimu,

kepha akabonakali.

₁₀Ngokuba uyayazi indlela yami;

esengivivinyile,

ngiyakuphuma njengegolide.

₁₁Unyawo lwami lunamathele ezinyathelweni zakhe;

ngigcinile indlela yakhe,

angiphambukanga.

₁₂Angichezukanga emyalweni wezindebe zakhe;

ngizibekele amazwi akhe kunezimiso zami.

₁₃“Kodwa uyinto inye,

ngubani ongambuyisa na?

Okufisayo umphefumulo wakhe,

lokho uyakwenza.

₁₄Uyakufeza engikumiselweyo;

izinto eziningi ezinjalo zikuye.

₁₅Ngalokho ngishaywa luvalo ebusweni bakhe;

lapho ngikuqaphela, ngiyamesaba.

₁₆NguNkulunkulu odangalisileyo inhliziyo yami,

uSomandla ungethusile,

₁₇ngokuba anginqunywanga,

bungakafiki ubumnyama;

wangifihlela ukuhlwa.

₁“Kungani ukuba uSomandla

angazibekeleli izikhathi zokwahlulela,

abamaziyo babone imihla yakhe, na?

₂Imincele iyasuswa;

bahlwitha imihlambi, bayiklabise.

₃Bamukisa imbongolo yezintandane,

nenkomo yomfelokazi bayayithatha ibe yisibambiso.

₄Bafuzula abaswelayo endleleni;

abampofu bomhlaba bacasha ndawonye.

₅Bheka, njengezimbongolo ehlane

bayaphumela emisebenzini yabo befunisisa ukudla;

ihlane lingukudla kwabo abakunika abantwana babo.

₆Emasimini bavuna ifoliji;*

bakhothoza esivinini somubi.

₇Ebusuku balala nqunu bengenangubo,

bengenanto yokuzisibekela emakhazeni.

₈Bamanzi ngezihlambi zasezintabeni;

basingatha idwala bengenasiphephelo.

₉Intandane ihlwithwa ebeleni,

nengane yompofu ithathwa ibe yisibambiso,

₁₀bahambe nqunu bengenangubo,

bethwele izithungu, belambile.

₁₁Benza amafutha phakathi kwezingange zabahluphi;

banyathela izikhamo zewayini,

kepha bayoma.

₁₂Bexoshwe emzini abafayo bayabubula;

imiphefumulo yabalimeleyo iyakhala,

kepha uNkulunkulu akanaki lokho okubi.

₁₃“Bakhona abakuhlubukile ukukhanya;

abazi indlela yakho,

abanamatheli emikhondweni yakho.

₁₄Umbulali uvuka ekuseni,

abulale ompofu noswelayo;

ebusuku unjengesela.

₁₅Iso lesiphingi libheka ukuhlwa

ngokuthi: ‘Malingangiboni iso,’

sisithe ubuso baso.

₁₆Bafohla izindlu sekumnyama;

emini bayazivalela;

ukukhanya abakwazi.

₁₇Ngokuba ithunzi lokufa kubo bonke labo linjengokusa,

lokhu beyazi ingebhe yethunzi lokufa.

₁₈“Banejubane ebusweni bamanzi;

izabelo zabo ziqalekisiwe emhlabeni;

abasayikuphendukela endleleni yezivini.

₁₉Ukoma nokushisa kuyaqeda amanzi eqhwa;

kanjalo indawo yabafileyo labo abonileyo.

₂₀Isizalo siyamkhohlwa;

izimpethu ziyamsobozela;

akasayikukhunjulwa;

ukungalungi kuyaphulwa njengomuthi.

₂₁Uyayidla inyumba engazaliyo;

akenzeli umfelokazi okuhle.

₂₂Uyadonsa namaqhawe ngamandla akhe;

uyavuka; akakho osenethemba lokuphila.

₂₃UNkulunkulu uyamnika ukuba alondeke, asekelwe;

kepha amehlo akhe aphezu kwezindlela zabo.

₂₄Bayaphakanyiswa;

emva kwesikhashana abasekho;

bayaphela njengabanye, bafe;

babuna njengezihloko zezikhwebu.

₂₅“Uma kungenjalo,

ngubani ongangenza onamanga,

awenze ize amazwi ami, na?”

₂“Ukubusa nokwesabeka kukuye

owenza ukuthula ezindaweni zakhe eziphakemeyo.

₃Ukhona yini ongabala izimpi zakhe,

nokukhanya kwakhe akuphumeli bani na?

₄Pho, umuntu angalunga kanjani kuNkulunkulu,

nozelwe ngowesifazane angahlambuluka kanjani, na?

₅Bheka, nenyanga ayinankazimulo,

nezinkanyezi azihlambulukile emehlweni akhe.

₆Pho, kakhulu kangakanani umuntu oyimpethu,

nendodana yomuntu eyisibungu, na?”

₂“Usizile kanjani ongenamandla!

Usindisile kanjani ingalo engenamandla?

₃Umlulekile kanjani ongenakuhlakanipha!

Umemezile kangakanani ukuqonda!

₄Utshelwe ngubani lawo mazwi,

nomoya kabani waphuma kuwe, na?

₅“Izithunzi ziyathuthumela

phansi kwamanzi kanye nabakhelwane bawo.

₆Indawo yabafileyo ize phambi kwakhe,

nendawo yokubhubha ayinasisibekelo.

₇Welula inyakatho phezu kwendawo engenalutho;

uphanyeka umhlaba phezu kweze.

₈Ubopha amanzi emafwini akhe;

ifu alidabuki phansi kwawo.

₉Uyasibekela ubuso besihlalo sakhe sobukhosi;

uyeneka ifu lakhe phezu kwaso.

₁₀Uyingiliza ngomudwa phezu kobuso bamanzi,

kuze kuphele ukukhanya ebumnyameni.

₁₁Izinsika zezulu ziyathuthumela;

ziyethuswa ngokukhuza kwakhe.

₁₂Ngamandla akhe uyanyakazisa amanzi;

ngokuqonda kwakhe uyachitha uRahabi.

₁₃Ngokuphefumula kwakhe izulu liyakhazimula;

isandla sakhe sigwazile inyoka esheshayo.

₁₄Bheka, lokhu kungamaphethelo nje ezindlela zakhe,

izwi lokunyenyeza nje elizwakalayo ngaye;

indumo yamandla akhe,

ngubani obeyakuyiqonda na?”