ISAHLUKO 7

₁ANAZI ini, bazalwane (ngi kuluma nabaziyo umteto,) ukuti, umuntu u buswa umteto ngesikati sonke sokupila kwake?

₂Umfazi oganileyo u botyiwe ngomteto endodeni, i se kona; kepa nxa indoda i file, u kululiwe emtetweni wendoda.

₃Ngako, i se kona indoda, uma e gana kwenye indoda, u ya kutiwa isipingi, kepa nxa i file indoda, u kululekile emtetweni, a nge be isipingi, noma e gana kwenye indoda.

₄Njalo, bazalwane bami, nani se ni file emtetweni ngomzimba ka Kristu; ukuze ni gana komunye, kulowo owa vuka kwabatileyo, si m vezele uTixo izitelo.

₅Lapo sa si senyameni, ukukanuka okubi oku ngomteto, kwa sebenza emalungwini etu si ze si veze izitelo zokufa.

₆Kepa kaloku si kululiwe emtetweni, si file ku loko, e be si botyiwe ngako, ukuze si konze ngomoya omutya, si nga konzi ngegama elidala.

₇Si ya kutini na? umteto u ukona na? Ai! Kepa be ngi ngazi ukona, ku nge ngomteto, be ngi ngazi ukunxanela, u nga tyongo umteto ukuti, U nga nxaneli.

₈Kepa ukona kwa tola ituba ngomyalo, kwa sebenza kimi ukuxanele konke. Ngapandhle komteto ukona kwa ku file.

₉Nga ke nga pila, u nga ka bi ko umteto; kepa u su fikile umyalo, kwa vuka ukona, nga fa.

₁₀Umyalo o bu ngowokupila, nga u fumana u ngowokufa.

₁₁Ngokuba ukona kwa tola ituba ngomyalo, kwa ngi kohlisa, kwa ngi bulala ngawo.

₁₂Njalo umteto u ingcwele, nomyalo u ingcwele, u lungile, muhle.

₁₃Po, okulungileyo se ku ukufa kimi na? Ai, kepa ukona, ukuba ku bonakale ku ukona, ku ngenzela ukufa ngokulungileyo, ku ze ku ti ngomyalo ukona ku be ukona okusabekayo.

₁₄Si yazi umteto u ngowomoya, kepa mina ngi ngowenyama, ngi tengiwe ukona.

₁₅Ngokuba loku engi kwenzayo, a ngi kwazi; loku engi ku tandayo, a ngi kwenzi; kepa loku engi ku zondayo, ngi ya kwenza.

₁₆Uma ngenza loku engi nga ku tandiyo, ngi ya vumela umteto, ngi ti u lungile.

₁₇A si mina o kwenzayo, ku ukona oku hlala kimi.

₁₈Ngi yazi, a ku hlali okulungileyo kimi, ngi tyo, enyameni wami: ku kona kimi ukutanda, kepa ukwenza okulungileyo a ngi ku fumani.

₁₉Okulungileyo engi ku tandayo, a ngi kwenzi; kepa okubi engi nga ku tandiyo, ngi ya kwenza.

₂₀Kepa, uma ngi kwenza loku, engi nga ku tandiyo, a simina o kwenzayo, ku ukona oku hlala kimi.

₂₁Ku njalo ngi ya fumana umteto wokuti, nxa ngi tanda ukwenza okulungileyo, ku kona okubi kimi.

₂₂Yebo, ngi ya tanda umteto ka Tixo ngokomuntu opakati;

₂₃Kepa ngi bona omunye umteto emalungwini ami, u lwa nomteto wenhliziyo yami, u ngi bopa emtetweni wokona oku semalungwini ami.

₂₄Ngi ngumuntu ohlupekayo. Ubani o ya kungikulula emzimbeni wa lokukufa na?

₂₅Ngi ya bonga uTixo ngoJesu Kristu iNkosi yetu. Ku njalo, ngi lalela umteto ka Tixo ngenhliziyo; kepa ngenyama ngi lalela umteto wokona.