ISAHLUKO 32

₁NAYE uJakobe wa ya ngendhlela yake, wa hlangabezwa izitunywa zika Tixo.

₂Wa ti uJakobe, ukuzibona, Ku ibandhla lika Tixo leli; wa qamba igama la leyondawo iMahanami.

₃uJakobe wa tuma izigijimi pambi kwake kuEsau umfo wabo, ezweni la seSira, izwe la seEdomi.

₄Wa zi yala, wa ti, Yityoni, kuEsau inkosi yami ukuti, I ti inceku yako uJakobe, Be ngi hlezi kuLabani, ngi libele kona ku ze ku be manje.

₅Ngi nezinkomo, nezinjomane, nezimvu, nezinceku zesilisa nezesifazana: ngi ya tuma ukubika enkosini, ukuba ngi fumane umusa emehlweni ako.

₆Izigijimi za buyela kuJakobe, za ti, Sa fika kumfo wenu uEsau; naye u yeza ukukuhlangabeza, a naye amadoda a amakulu amane.

₇Kona uJakobe wesaba kakulu, wa katazeka: wahlukanisa abantu aba be naye, nezimvu, nezinkomo, namakamelo, kwa ba izigaba ezimbili.

₈Wa ti, Nxa uEsau e za kwesinye isigaba, a si cite, si ya kusinda esinye isigaba esiseleyo.

₉Wa ti uJakobe, Tixo ka baba uAbrahama, Tixo ka baba uIsaka, Jehova, owa tyo kimi, wa ti, Buyela ezweni la kini, na sezihlotyeni zako, ngi ya kukwenzela okuhle:

₁₀A ngi fanele wonke umusa wako, nalo lonke iqiniso lako, o kwenzileyo encekwini yako: ngokuba ngenduku yami nga wela leliJoredani; manje ngi izigaba ezimbili.

₁₁A ke u ngi sindise esandhleni somfo wetu, esandhleni sika Esau: ngokuba ngi ya m esaba, funa e ze a ngi bulale kanye nonina nabantwana.

₁₂Wa tyo wena, wa ti Ngi ya qinisa, ngi ya kukwenzela okuhle, ngi yenze inzalo yako i be ngangesihlabati solwandhle, esi nge balwe ngobuningi.

₁₃Wa lala kona ngalobobusuku; wa tabata okwa ku sesandhleni sake, ukumnika kona uEsau umfo wabo, ukuti,

₁₄Izimbuzikazi ezi amakulu amabili, nezimpongo ezi amashumi amabili, nezimvukazi ezi amakulu amabili, nezinqama ezi amashumi amabili,

₁₅Amakamelo asengwayo amashumi amatatu, namatole awo, nezinkomazi ezi amashumi amane, nezinkunzi ezi ishumi, nezinjomanekazi ezi amashumi amabili, namatole a ishumi.

₁₆Wa zi nikela esandhleni sezinceku zake, imihlambi ngemihlambi; wa ti ezincekwini zake, dhlulani ngapambili kwami, nenze amabanga pakati kwemihlambi.

₁₇Wa m yala o ngapambili, e ti, Uma uEsau umfo wetu e hlangana nawe, a ku buze ngokuti, U ngoka bani na? u ya ngapi na? lezi ezi pambi kwako ezika bani na?

₁₈Kona u ya kuti, E zika Jakobe, inceku yako; ku isipo esi tunywa enkosini yami uEsau: bheka, naye u kona ngasemva kwetu.

₁₉Njalo wa yala nowesibili, nowesitatu, nabo bonke aba i landelayo imihlambi, wa ti, Ni ya kutyo njalo kuEsau se ni m fumene.

₂₀Ni ya kutyo nokuti, Bheka, inceku yako uJakobe u kona ngasemva kwetu. Ngokuba wa ti, Ngi ya kumtoba ngalesisipo esi ya ngapambili kwami, na ngasemva ngi ya kubona ubuso bake, mhlaumbe a nga hlangana nami kahle.

₂₁Sa ti isipo sa dhlula ngapambili kwake: wa hlala nabake ngalobobusuku.

₂₂Wesuka ngalobo busuku, wa tabata omkake ababili, nezincekukazi zake ezimbili, nabantwana bake aba ishumi nanye, wa wela ezibukweni eli tiwa iJakobe.

₂₃Wa ba tabata, wa ba wezisa umfula, wa wezisa nako okwake.

₂₄Wa sala yedwa uJakobe; kwa ti kwa bambana naye umuntu kwa za kwa sa.

₂₅E bona ukuti, ka m ahluli, wa m pata enyongeni, ya pinyazeka inyonga ka Jakobe, e sa bambana naye.

₂₆Wa ti, A ngi hambe, ngokuba sekusile. Wa ti, A ngi yi kuvuma u hambe u nga ka ngi busisi.

₂₇Wa ti kuye, Ubani igama lako na; Wa ti, uJakobe.

₂₈Wa ti, Igama lako a li sa yi kubizwa ngokuti, uJakobe, li za ku tiwa, uIsraeli: ngokuba u bambene noTixo nabantu, wahlulile.

₂₉uJakobe wa m buza, wa ti, A ke u ngi tyele igama lako. Wa ti, U buzelani igama lami na? Wa m busisa kona.

₃₀uJakobe wa qamba igama la leyondawo iPanili; ngokuba wa ti, Ngi m bonile uTixo, ubuso nobuso, kepa ngi sindile.

₃₁E sa wela iPanili la puma ilanga, wa xuga enyongeni yake.

₃₂Ngako abantu baka Israeli a ba dhli umsipa o senyongeni, owa kotyobalayo ku ze ku be namhla; ngokuba wa pata inyonga ka Jakobe emsipeni owa kotyobalayo.