IINDUMISO 8

₁Yehova, Nkosi yethu,

Hayi, ubungangamsha begama lakho ehlabathini lonke!

Wena uwambathise amazulu ngendili yakho.

₂Emlonyeni wabantwana nabanyáyo useké amandla,

Ngenxa yababandezeli bakho,

Ukuze udambise utshaba nophindezelayo.

₃Xa ndilikhangelayo izulu lakho, umsebenzi weminwe yakho,

Inyanga neenkwenkwezi ozimisileyo:

₄Uyintoni na umntu lo, le nto umkhumbulelayo?

Unyana womntu, le nto umvelelayo?

₅Umsilelise kancinane ebuThixweni,

Wamthi jize ngobuqaqawuli nangobungangamela.

₆Umphathisé ubukhosi phezu kwemisebenzi yezandla zakho,

Zonke izinto ùzibeke phantsi kweenyawo zakhe:

₇Impahla emfutshane, neenkomo zonke ziphelele,

Kwaneenyamakazi zonke;

₈Iintaka zezulu, neentlanzi zolwandle,

Into ehamba ngeendlela zolwandle.

₉Yehova, Nkosi yethu,

Hayi, ubungangamsha begama lakho ehlabathini lonke!