IINDUMISO 6

₁Yehova, musa ukundohlwaya únomsindo,

Ungandithethisi únobushushu.

₂Ndíbabale, Yehova, ngokuba ndintshwenyile;

Ndíphilise, Yehova, ngokuba ekhwankqisiwe amathambo am.

₃Umphefumlo wam ukhwankqiswe kakhulu;

Ke wena, Yehova, koda kube nini na?

₄Buya, Yehova, uwuhlangule umphefumlo wam;

Ndísindise ngenxa yenceba yakho.

₅Ngokuba ekufeni akusekho kukukhumbula;

Kwelabafileyo ngubani na osenokubulela kuwe?

₆Ndidiniwe kukugcuma kwam;

Ndiludadisa ubusuku bonke ukhuko lwam,

Ndiwenza manzi umandlalo wam ngeenyembezi zam.

₇Lonakele kukukhathazeka iliso lam;

Laluphele ngenxa yababandezeli bam bonke.

₈Sukani kum, nina nonke basebenzi bobutshinga;

Ngokuba uYehova ulivile ilizwi lokulila kwam.

₉Ukuvile uYehova ukutarhuzisa kwam;

UYehova umthandazo wam uyawamkela.

₁₀Ziya kudana, zikhwankqe kakhulu, zonke iintshaba zam;

Ziya kubuyiswa zidanile ngephanyazo.