Amaculo 75

₁SIYABULELA kuwe, Tixo! siyabulela: ngokuba kushunyayelwa yimimangaliso yako ukuba igama lako likufupi.

₂Nxa ndizuza ixesha elimisiweyo, ndiya kugweba ngokufanelekileyo. ₃Umhlaba nabemi bawo bonke banyibilikile; ndiyaqinisa intsika zawo. Sela.

₄Ndati kwabagezayo: Musani ukugeza; nakwabakohlakeleyo: Musani ukupakamisa upondo. ₅Musani ukupakamisela pezulu upondo lwenu, ningateti ngentamo elukuni. ₆Ngokuba upakanyiswa lungaveli apo lipuma ilanga, nalapo litshona kona, lungaveli nasentlango. ₇Ngutixo ongumgwebi: omnye uyamwisa, nomnye uyampakamisa. ₈Ngokuba kuko indebe esandleni sikayehova; iveyine ibomvu: izele yinto epitikeziweyo; uyatulula kwa kuyo: koko intlenga zayo bonke abakohlakeleyo bomhlaba baya kuzihluza, bazisele.

₉Kodwa mna ndiya kushumayela kude kube ngunapakade; ndiya kucula kuye utixo ka‐Yakobi. ₁₀Kanjalo zonke impondo zabakohlakeleyo ndiya kuzinqumla; kodwa impondo zolungileyo ziya kupakanyiswa.