Amaculo 73

₁NGENYANISO utixo uyenza ngokulungileyo ko‐Sirayeli, kwa kubo abantliziyo zingcwele. ₂Kodwa mna, inyawo zam zapantsi kupambuka; amanyatela am apantsi kutyibilika. ₃Ngokuba ndibe ndinomona ngakubo abagezayo, ndakubona ukwonwaba kwabakohlakeleyo. ₄Ngokuba kungeko zibambo ekufeni kwabo; amandla abo omelele. ₅Abasebunzimeni boluntu; ababulawa njengabanye abantu. ₆Ngako ir̔atshi liyabapahla njengomxokolelwane womqala; ubudlwengu buyabavatisa njengengubo. ₇Amehlo abo ayapuma ngokutyeba; bagqitisile nokucinga kwentliziyo. ₈Bayahleka, bayateta ngokubi ngembandezelo; bayateta ngoqanqalazo. ₉Umlomo wabo bayawubekisa ngakulo izulu, nolwimi lwabo luyahamba emhlabeni. ₁₀Ngako abantu bake baya kubuyela apa, namanzi endebe izele ayahluzelwa kubo. ₁₁Bati ke: Uti nina ukwazi utixo? kuko ukwazi na kopezu kwonke?

₁₂Kangela, aba ngabakohlakeleyo; abanokwonwaba okufuti, bayandisa ubutyebi. ₁₃Ngenyaniso ndifumane ndacokisa intliziyo yam; ndifumane ndahlamba izandla zam kokungenatyala. ₁₄Ngokuba ndibulawa imini yonke, nokwohlwaywa kwam kungemiso ngemiso. ₁₅Ukuba bendiya kuti: Ndiya kuteta njalo; bona ke, ndinga ndisenza ngenkohliso kwisizukulwana sonyana bako. ₁₆Ndindakucinga ukuba ndikwazi oku, kwaba yinkohla emehlweni am; ₁₇ndada ndangena endaweni eyingcwele katixo; ndaza ndaqonda isipelo sabo.

₁₈Ngenyaniso uyababeka emityibilizweni, uyabawisela ezintshabalalweni. ₁₉Hai ukucitakaliswa kwabo kamsinya ke! bagqityelwe kanye zizoyikiso. ₂₀Njengepupa nxa kuvukwayo, woti, Nkosi! wakuvuka, udele isanga sabo.

₂₁Kwa nje ke intliziyo yam yakatazeka, ndahlatywa ezintsweni zam. ₂₂Bendidolile ngoko, ndingenakwazi; ndaba njengenkomo pambi kwako.

₂₃Sendinawe futi noko; undibambile ngesandla sam sokunene. ₂₄Uya kundikokela ngecebo lako, uti kamva undamkele ebungcwaliseni. ₂₅Ndinabanina ezulwini? nasemhlabeni andinqweneli luto ngapandle kwako. ₂₆Kuyapela inyama yam nentliziyo yam: kodwa utixo uliliwa lentliziyo yam, nesabelwa sam kude kube ngunapakade. ₂₇Ngokuba, bona ke, abo bakude nawe baya kububa; uyabatshabalalisa bonke abo bemkayo kuwe ngombulo. ₂₈Kodwa mna, ukuba kufupi notixo kulungile kum; itemba lam ndilibekile enkosini e nguyehova, ndize ndishumayele yonke imisebenzi yako.