Amaculo 51

₁YIBA nofefe kum, Tixo! kwa njengabo ububele bako: njengobuninzi benceba zako, cima izigqito zam. ₂Ndihlanze kunene enkohlakalweni yam, undihlambulule esonweni sam. ₃Ngokuba izigqito zam ndizazi; isono sam sisebusweni bam futi. ₄Kungakuwe, ngakuwe wedwa endonileyo, ndenza okukohlakeleyo emehlweni ako: kukona ulungile ekuteteni kwako, ungcwele ekugwebeni kwako. ₅Kangela, bendizalelwe enkohlakalweni; uma̔ wandimitela esonweni. ₆Kangela, uyatanda inyaniso embilini; nasemfihlekweni uya kundazisa ubulumko. ₇Ndihlambulule ngehisope, ndandiya kuba yingcwele; ndihlanze, ndandiya kugqitisa ingqweqwe ngokuba mhlope. ₈Ndivise uvuyo nomgcobo; aze avuyelele amatambo owatyumzileyo. ₉Fihla ubuso bako ezonweni zam, ucime zonke izikohlakalo zam. ₁₀Ndidalele intliziyo eyingcwele, Tixo! uwuhlaziye umoya olungileyo pakati kwam. ₁₁Zungandilahli ebusweni bako; no‐Moya wako oyi‐Ngcwele ungamsusi kum. ₁₂Buyisela kum uvuyo lwosindiso lwako; umoya ovumayo maundixase.

₁₃Kukona ndiya kufundisa abagqiti indlela zako, naboni baya kuguqukela kuwe. ₁₄Ndikulule etyaleni legazi, Tixo, Tixo wosindiswa lwam! ulwimi lwam luya kudumisa ubulungisa bako ngovuyo. ₁₅Nkosi! vula umlomo wam; kukona umlomo wam uya kushumayela udumo lwako. ₁₆Ngokuba ungatandi umbingo, ukuba ndinikele ngawo; akukoliswa lidini lokutshiswa. ₁₇Amadini katixo angumoya owapukileyo; intliziyo eyapukileyo negqobokileyo akuyi kuyidela, Tixo!

₁₈Yenzela i‐Ziyone okulungileyo ngenkolelo yako; yaka indonga ze‐Yerusaleme. ₁₉Oko uya kutanda imibingo yobulungisa, idini elitshiswayo, nedini elitshiswayo lipela: oko baya kunikela ngenkabi pezu kwesibingelo sako.