Amaculo 50

₁UTIXO wotixo, uyehova, utetile, wamema umhlaba kwa sekupumeni kwelanga kude kube sekutshoneni kwalo. ₂Kuyo i‐Ziyone, ikupela kwobuhle, utixo ukazimlile. ₃Utixo wetu uya kuza, angati cwaka: umlilo wodla ebusweni bake; uqwitela olukulu luya kumngqonga. ₄Uya kubiza izulu kwa pezulu, nomhlaba, ukuze agwebe abantu bake. ₅Butelani kum abangcwele bam, abo balwenzileyo ucebano nam ngombingo. ₆Laye izulu liya kushumayela ubulungisa bake; ngokuba utixo engumgwebi ngokwake. Sela.

₇Yivani, bantu bam! ndandiya kuteta; yiva, Sirayeli! ndandiya kunqi̔na ngakuwe: ndi ngutixo, kwa utixo wako. ₈Andiyi kukwohlwaya ngenxa yemibingo yako, namadini okutshiswa ako, esebusweni bam futi nje. ₉Andiyi kutabata nkabi endlwini yako, nenkunzi zebokwe esibayeni sako: ₁₀ngokuba zonke izilo zehlati zizezam, nenkomo ezisezintabeni eziliwaka. ₁₁Ndiyazazi zonke intaka zentaba; nenyamakazi zezindle zizezam. ₁₂Ukuba bendilambile, ngendingatsho kuwe; ngokuba ilizwe lilelam, nokuzala kwalo. ₁₃Ndiya kudla inyama yenkunzi na? ndiya kusela igazi lebokwe na? ₁₄Nikela kutixo umbulelo; ufeze izibambiso zako kopezu kwonke; ₁₅ubize kum emhleni wobunzima; ndokukulula, wauya kundidumisa.

₁₆Kodwa kokohlakeleyo uti utixo: Kuyinto nina kuwe, ukushumayela izimiselo zam, nokuba ucebano lwam ulucole ngomlomo wako? ₁₇ulutiyile nje ululeko, namazwi am uwaposile emva kwako nje. ₁₈Ute wakubona isela, waseluvumelana nalo; bukunye nabaṙexezi ubukolwane bako. ₁₉Umlomo wako uwuyekele enkohlakalweni, nolwimi lwako luyadala inkohliso. ₂₀Uyahlala uteta ngakuye umninawe wako; uyahleba unyana wonyoko. ₂₁Ezizinto uzenzile, ndati cwaka mna; waba ndingonjengawe kanye: kodwa ndokwohlwaya, ndicwangcise emehlweni ako.

₂₂Gqalani ke oku, nina nilibala utixo! hleze ndiqwenge, kungabiko okululayo.

₂₃Osukuba enikela umbulelo uyandidumisa; nolungisa indlela yake ndombonisa usindiso lukatixo.