Amaculo 46

₁UTIXO uyindawo yokupepela namandla kuti: ungumncedi okoyo kakulu ezimbandezelweni. ₂Soti ngoko singoyiki ekuguqulweni kwomhlaba, nasekushukunyisweni kwentaba pakati kwolwandle; ₃nxa agquma amanzi alo, alwe; nxa intaba zingcangcazela ngokukukumala kwalo. Sela.

₄Kuko umlambo, imijelo yawo iya kuvuyisa isixeko sikatixo, indawo eyingcwele yetabanakele zopezu konke. ₅Utixo upakati kwaso; asiyi kushukunyiswa: utixo uya kusinceda kwa kusaza kusa. ₆Izizwe zenza impitimpiti, izikumkani zashukunyiswa; wapuma ilizwi lake, umhlaba wanyibilika. ₇Uyehova wemikosi unati; utixo ka‐Yakobi uyinyango kuti. Sela.

₈Yizani nikangele imisebenzi kayehova, ozenzileyo intshabalaliso emhlabeni. ₉Uyapelisa imfazwe kude kube sencameni yomhlaba; uyapula isipeta, anqamle intshuntshe; inqwelo zokulwa uyazitshisa emlilweni. ₁₀Yekani, nazi ke ukuba ndi ngutixo mna: ndiya kupakanyiswa ezizweni, ndiya kupakanyiswa emhlabeni. ₁₁Uyehova wemikosi unati; utixo ka‐Yakobi uyinyango kuti. Sela.