Amaculo 45

₁INTLIZIYO yam iyampompoza umcimbi olungileyo; ndiyateta imisebenzi yam ngaye ukumkani; ulwimi lwam lulusiba lwomba̔li okuteleyo.

₂Udlule onyana babantu ngokuba mhle; kugalelwe ufefe emlonyeni wako: utixo ngoko ukutamsanqelisile kude kube ngunapakade. ₃Binqa iṙele lako esinqeni. Somandla! udumo lwako nobungcwalisa bako. ₄Uti kwa ngobungcwalisa bako ukwele weyise, ngenxa yenyaniso nolulamo nobulungisa; sasiya kuti isandla sako sokunene sikufundise izinto ezoyikekayo. ₅Intolo zako zibukali entliziyweni yentshaba zokumkani; izizwe zowa pantsi kwako. ₆Isihlalo sako sobukumkani. Tixo! singunapakade kanapakade; intonga yobukumkani bako yintonga yokulunga. ₇Uyatanda ubulungisa, uyatiya inkohlakalo; ngako oko utixo, kwa utixo wako, ukutambisile ngeoli yovuyo ngapezu kwabalingane bako. ₈Zinemore nekala nekasiya ingubo zako zonke, zivela ezindlwini zopondo lwendlovu apo uvuyiselwe kona. ₉Bekuko intombi zokumkani emankazaneni ako adumileyo; kwesokunene isandla sako kwema ukumkanikazi ngegolide yase‐Ofire.

₁₀Pulapula, Ntombi! uqonde, utobe indlebe yako: libala ke abantu bakowenu, nendlu kayihlo; ₁₁kukona ukumkani aya kunqwenela ubuhle bako kakulu; ngokuba eyinkosi yako; uze umbedeshe ke. ₁₂Nentombi yase‐Tire, abazityebi pakati kwabantu, bobongoza ubuso bako ngomnikelo. ₁₃Intombi yokumkani ibungcwalisa kanye ngapakati; isivato sayo sesesetyenzwa elilukiweyo legolide. ₁₄Iya kukatshelwa kukumkani ngengubo ezitungiweyo ngamabala: intombi eziyilandelayo, ezingabalinganekazi bayo, ziya kuziswa kuwe. ₁₅Zokatshwa ngemivuyo nangomgcobo; ziya kungena endlwini yokumkani.

₁₆Endaweni yabo oyihlo kuya kubako onyana bako, ongati wena ubenze inkosi emhlabeni wonke. ₁₇Ndiya kwenza igama lako likunjulwe kuzo zonke izizukulwana: zoti ngoko izizwe zibulele kuwe kude kube ngunapakade kanapakade.