Amaculo 34

₁NDIYA kumbonga uyehova ngamaxesha onke; udumo lwake luya kuba semlonyeni wam futi. ₂Umpefumlo wam uya kuqa̔yisa ngoyehova; abalulamileyo bova bavuye. ₃Yenzani nam ukumenza mkulu uyehova; masipakamise kunye igama lake.

₄Ndafuna uyehova, wandipendula ke, wandikulula kuzo zonke izoyiko zam. ₅Bakangela kuye, bakanyiswa ke; ubuso babo bebungenakudana. ₆Elihlwempu labiza, wati uyehova weva, walisindisa kuzo zonke imbandezelwa zalo. ₇Ingelosi kayehova iyamela abo bamoyikayo ngokungqonga, ibakulule.

₈Yivani nibone ukuba uyehova ulungile; unetamsanqa lomntu umtembayo. ₉Yoyikani uyehova, nina bangcwele bake! ngokuba kungeko kuswela kwabo bamoyikayo. ₁₀Ingonyamana ziyaswela, zive ukulamba; kodwa abafuni bakayehova abayi kuswela nto ilungileyo. ₁₁Yizani, lusapo! nipulapule kum; ndiya kunifundisa ukwoyika uyehova. ₁₂Nguwupina lomntu okanuka ukudliwa kwobomi, otanda imihla, ukuze abone ukulunga? ₁₃Bamba ulwimi lwako lungayi enkohlakalweni, nomlomo wako ungateti inkohliso. ₁₄Suka enkohlakalweni, wenze okulungileyo; funa uxolo, uluputume ke.

₁₅Amehlo kayehova angakubo abalungileyo, nendlebe zake zingakuko ukukala kwabo. ₁₆Ubuso bukayehova bungakubo abenzi benkohlakalo, ukuze kunqanyulwe ukukunjulwa kwabo emhlabeni. ₁₇Bayakala abalungileyo, uyeva ke uyehova; nakuzo zonke imbandezelwa zabo uyabahlangula. ₁₈Uyehova ukufupi nabo banentliziyo eyapukileyo; uyasindisa abo banomoya ogqobokileyo. ₁₉Zininzi intsizi zolungileyo, kodwa kuzo zona zonke uyehova uyamkulula. ₂₀Uyagcina amatambo ake onke; akuko nalinye kuwo elapulwayo. ₂₁Ububi buya kubulala okohlakeleyo; nabo batiya olungileyo bomiselwa ityala. ₂₂Uyehova uyakulula imipefumlo yezicaka zake: nabatemba yena akuko namnye oya kumiselwa ityala.