Amaculo 33

₁VUYELELANI kuye uyehova, nina balungileyo! indumiso ifanelekile kwabalungisekileyo. ₂Dumisani uyehova ngekinore; culani kuye ngenebele ezintambo zilishumi. ₃Mvumeleni iculo elitsha; lungisani ukubeta ngentsholo enkulu.

₄Ngokuba ilizwi likayehova lilungile; nawo wonke umsebenzi wake ngowenyaniso. ₅Uyatanda ubulungisa nobugwebo: umhlaba uzele bububele bukayehova. ₆Ngelizwi likayehova kwenziwa izulu, nangomoya womlomo wake wonke umkosi walo. ₇Uyabuta amanzi olwandle njengemfumba; uyabeka inzulu ezindaweni zokubekela. ₈Wonke umhlaba mawoyike pambi kwoyehova; bonke abemi belizwe mabahlonele yena. ₉Ngokuba eke wateta, kwabako ke; waxela, kwema kwenqi ke. ₁₀Uyehova utshabalalisile icebo labaheyideni; utshitshisile amaqinga entlanga. ₁₁Icebo likayehova lima limi kude kube ngunapakade, namaqinga entliziyo yake kwisizukulwana ngesizukulwana.

₁₂Hai itamsanqa lesizwe esi tixo u nguyehova; nelabantu abaqashileyo babe lilifa lake! ₁₃Uyehova uyakangela esezulwini; uyabona bonke onyana boluntu. ₁₄Kwa sendaweni yokuhlala kwake uyabonela bonke abemi bomhlaba. ₁₅Uyadala zonke intliziyo zabo kunye; uyagqala zonke izenzo zabo. ₁₆Akuko kumkani usindiswayo bubuninzi bomkosi; iṙoti alihlangulwa bubukulu bamandla. ₁₇Ihashe libuxoki ekusindiseni; aliyi kusindisa nangobukulu bamandla alo. ₁₈Bona ke, iliso likayehova lingakubo abamoyikayo; lingakubo abatembela ebubeleni bake; ₁₉ukuhlangula umpefumlo wabo ekufeni, nokubapilisa ngexesha lendlala.

₂₀Umpefumlo wetu uyalinda uyehova; uncedo lwetu nekaka letu nguye. ₂₁Ngokuba intliziyo yetu iya kuvuya ngaye; ngokuba sitembele egameni lake elingcwele. ₂₂Ububele bako, Yehova! mabube pezu kwetu, njengokuba sitemba kuwe.