Amaculo 108

₁INTLIZIYO yam iqinisiwe, Tixo! ndiya kuvuma, ndicule nokucula kwa ngengewalisa yam. ₂Vuka, nebele nekinore! ndiya kuvuka kusasa mna. ₃Ndokudumisa, Yehova! pakati kwezizwe; ndandiya kucula kuwe pakati kwentlanga. ₄Ngokuba ububele bako bukulu ngapezu kwezulu, nenyaniso yako kude kube semafini. ₅Yiba upakamile pezu kwezulu, Tixo! nobungcwalisa bako pezu kwomhlaba wonke.

₆Ukuze abatandwa bako bakululwe, sindisa ngesokunene sako, undipendule. ₇Utixo utetile ebungcweleni bake; ndiya kugcoba: ndiya kwaba i‐Shekeme, ndilinganise umhlambo we‐Sukote: ₈u‐Gileyadi ungowam; u‐Manase ungowam; u‐Frayime naye ungamandla entloko yam; u‐Juda ungumnikamteto wam: ₉i‐Mowabi isisitya sam sokuhlambela; pezu kwe‐Edome ndoposa isihlangu sam; pezu kwe‐Filistiya ndiya kuvuyelela.

₁₀Ngubanina oya kundikokela esixekweni esiyinqaba? ngubanina oya kundikapela e‐Edome? ₁₁Asi nguwe na, Tixo! owabusilahlile? akuyi kupuma na, Tixo! nemikosi yetu? ₁₂Sinike uncedo ekubandezelweni; ngokuba usizo lwabantu lungendawo. ₁₃Ngaye utixo siya kwenza ngobuṙoti; ngokuba enguye oya kunyatela pantsi ababandezeli betu.