Amaculo 107

₁BULELANI kuyehova, ngokuba elungile; ngokuba ububele bake bungunapakade. ₂Mabatsho abakululwa bakayehova, owabakulula esandleni sotshaba; ₃wababuta emazweni, empumalanga nasentshonalanga, enode nasesuyide.

₄Badungudela entlango, endleleni ebugxwayiba; abafumananga sixeko sokuhlala. ₅Bati, belambile benxaniwe, umpefumlo wabo wawa pakati kwabo. ₆Bandula balilela kuyehova ebunzimeni babo; wabahlangula ekuxinezekeni kwabo. ₇Waza wabakokela ngendlela elungileyo, ukuze baye esixekweni sokuhlala. ₈Makubulelwe kuyehova ububele bake nemimangaliso yake konyana babantu! ₉Ngokuba ekolisa umpefumlo okanukayo; nompefumlo olambileyo uyawuzalisa ngokulungileyo.

₁₀Abo bahleli ebumnyameni nasesitunzini sokufa, benxityiwe ngembandezelo nangentsimbi; ₁₁ngokuba bebevukele amazwi katixo, badela icebo lopezu kwonke: ₁₂ngako watobisa intliziyo yabo ngendiniso; baku̔beka, kungeko mncedi. ₁₃Bandula balilela kuyehova ebunzimeni babo; wabasindisa ekuxinezekeni kwabo. ₁₄Wabaku̔pa ebumnyameni nasesitunzini sokufa, waqaula izinxibo zabo. ₁₅Makubulelwe kuyehova ububele bake nemimangaliso yake konyana babantu! ₁₆Ngokuba eqekezile ingcango zexina, wanqamla kubini imivalo yasincete.

₁₇Abazidenge ngenxa yokugqita kwabo, nangenxa yenkohlakalo zabo, bayabandezelwa. ₁₈Umpefumlo wabo utiyana nako konke ukudla, basondele emasangweni okufa. ₁₉Bandule balilele kuyehova ebunzimeni babo; uyabasindisa ekuxinezekeni kwabo. ₂₀Uyatuma ilizwi lake, abapilise, abakulule ekwonakaleni kwabo. ₂₁Makubulelwe kuyehova ububele bake nemimangaliso yake konyana babantu! ₂₂Makunikelwe iminikelo yombulelo, kushunyayelwe imisebenzi yake ngomgcobo!

₂₃Abo behlela elwandle ezinqanaweni, abenzayo umsebenzi emanzini amakulu; ₂₄bona bayabona imisebenzi kayehova, nemimangaliso yake enzulwini. ₂₅Uti akuteta, avuse umoya woqwitela, opakamisayo amaza alo. ₂₆Bayanyukela ezulwini, babuye behlele ezinzulwini: umpefumlo wabo uyanyibilika ngesitukutezi. ₂₇Banesizunguzane, begexa njengonxilayo; bonke ubulumko babo bucitekile. ₂₈Bandule balilele kuyehova ebunzimeni babo, aze abaku̔pe ekuxinezekeni kwabo. ₂₉Uyenza uqwitela luzole, ukuze amaza alo ati cwaka. ₃₀Bandule bavuye, ngokuba edambile; kwa njalo uyabakapela ecwebeni lokunqwenela kwabo. ₃₁Makubulelwe kuyehova ububele bake nemimangaliso yake konyana babantu! ₃₂Makapakanyiswe entlanganisweni yabantu, adunyiswe esihlelweni sabadala!

₃₃Uyaguqula imilambo ibe yintlango, namatende amanzi abe yindawo eyomileyo; ₃₄ilizwe elicu̔mayo libe lelityuwaṙa, ngenxa yenkohlakalo yabemiyo kulo. ₃₅Uyaguqula intlango ibe licibi, nelizwe elomileyo libe ngamatende amanzi: ₃₆ahlalise kona abalambileyo, ize bamise isixeko sokuhlala; ₃₇bahlwayele amasimi, batyale izitiya zemiti yeveyine, ezivelisa iziqa̔mo zokwanda. ₃₈Uyabatamsanqelisa ke, bade bandiswe kakulu; nenkomo zabo akazincipisi. ₃₉Kanjalo, bayancitshiswa, batotywe, ngoncinezelo, nobubi, nosizi. ₄₀Uyapalaza udelo pezu kwazo inkosi, azidungudelise ebugxwayibeni kungeko ndlela. ₄₁Kodwa osweleyo uyampakamisa pezulu kuyo imbandezelo, enze izizalwane njengomhlambi. ₄₂Abalungileyo bobona, bavuye; iti inkohlakalo yonke ivingce umlomo wayo.

₄₃Osukuba elumkile, nosukuba eya kunakana ezizinto, kwa bona baya kuqonda izibele zikayehova.