Imizekeliso 4

₁YIVANI, bonyanandini! ukululeka kwoyise, nipulapule ukukwazi ukuqonda. ₂Ngokuba ndinipa imfundiso elungileyo; umteto wam ningawushiyi. ₃Ngokuba ndibe ndingunyana kabawo, ndingotambileyo nowokupela ebusweni bukama̔. ₄Waza wandifundisa, wati kum:

Intliziyo yako mayibambe amazwi am; gcina imiyalelo yam, upile. ₅Qweba ubulumko, qweba ukuqonda; ungalibali, ungapambuki nokupambuka kuzo iziteto zomlomo wam. ₆Ungabushiyi, bokugcina ke; butande, bokulondoloza ke. ₇Eyona nto inkulu bubulumko; qweba ubulumko: ewe, ngako konke ukuqweba kwako kuqwebe ukuqonda. ₈Bumise pezulu ke, babuya kukupakamisa: bokwenzela udumo, xa ubusingatayo. ₉Buya kunika intloko yako isitsaba sobuhle; ikrone yobungcwalisa boyinikela kuwe.

₁₀Yiva, nyana wam! uzamkele iziteto zam; yaiya kuba mininzi kuwe iminyaka yobomi. ₁₁Ndikufundisile endleleni yobulumko; ndikukokele emikondweni yokulunga. ₁₂Ekuhambeni kwako, ukunyatela kwako akuyi kuxinwa; naxeshekweni ubalekayo, akuyi kuku̔beka. ₁₃Bambelela kuyo imfundiso, ungayeki; yibambe ke, ngokuba ibubomi bako yona. ₁₄Ungangeni emendweni wabakohlakeleyo, ungahambi nokuhamba endleleni yabangalungileyo. ₁₅Yipepe, ungadluli ngayo; tyeka kuyo, ugqite ke. ₁₆Ngokuba bengalali, nxa bangenzanga bubi; bayahlutwa ubutongo, nxa bangaku̔bekisanga mntu. ₁₇Ngokuba besidla isonka sobuncwangu, besela iveyine sobudlwengu. ₁₈Kodwa indlela yabalungileyo injengokukanya okukazimlayo, okumana kukanya kude kube semini efezekileyo. ₁₉Indlela yabakohlakeleyo injengesitokotoko; abazi into abaya kuku̔beka pezu kwayo.

₂₀Nyana wam! pulapula amazwi am; tobela indlebe yako kuzo iziteto zam. ₂₁Mazingalahlekani namehlo ako; zigcine pakati entliziyweni yako. ₂₂Ngokuba zibubomi kwabazifumanayo, nopiliso kuyo yonke inyama yabo. ₂₃Linda intliziyo yako pezu kwako konke okugcinwayo; ngokuba kuvela kuyo izipumelo zobomi. ₂₄Shenxisa kuwe ubugwenxa bomlomo, nenkani yomlomo yikwelelise kude kuwe. ₂₅Amehlo ako makati ngqo ukukangela, nenkope zako mazonde ukubeka pambi kwako. ₂₆Gqala ukuhamba kwonyawo lwako, ziti zonke indlela zako ziqiniswe. ₂₇Ungapambukeli nangasekunene nangasekohlo; shenxisa unyawo lwako ekukohlakaleni.