Imizekeliso 3

₁NYANA wam! umteto wam ungawulibali; intliziyo yako mayibambe imiyalelo yam: ₂ngokuba iya kukwongezela ubude bemihla, neminyaka yobomi, noxolo. ₃Ububele nenyaniso mazingahlukani nawe; zinxibe entanyeni yako; ziba̔le ecwecweni lentliziyo yako; ₄wauya kufumana ufefe nenyweba elungileyo, emehlweni katixo nabantu.

₅Tembela kutixo ngayo yonke intliziyo yako, ungayami kokwako ukuqonda. ₆Umvume yena kuzo zonke indlela zako, waeya kulungisa izihambo zako. ₇Ungabi ulumkile kwawako amehlo; yoyika uyehova, upambuke enkohlakalweni. ₈Kwoba kukupila enkatyeni yako, nokunyakama ematanjeni ako.

₉Beka uyehova ngemfuyo yako, nangolibo lwenzuzo yako yonke; ₁₀zize inyango zako zizaliswe buninzi, nezincinezelo zako zipupume yiveyine entsha.

₁₁Nyana wam! ukululeka kukayehova ungakudeli; nokwohlwaya kwake ungakutiyi: ₁₂ngokuba lowo amtandayo, uyehova emohlwaya; kwa njengokuba uyise emohlwaya unyana amkolelayo.

₁₃HAI itamsanqa lomntu ofumanayo ubulumko, nelomntu ozuzayo ingqondo! ₁₄Ngokuba intengo yabo ilungile pezu kwentengo yesilivere, nenzuzo yabo pezu kwegolide. ₁₅Bunqabile bona pezu kwerubi; kanjako zonke izinto zako ezinqwenelekayo azingelingane nabo. ₁₆Ubude bemihla busesandleni sabo sokunene; kwesokohlo sabo kuko ubutyebi nodumo. ₁₇Indlela zabo zindlela zoyolo, nayo yonke imizila yabo iluxolo. ₁₈Bungumti wobomi kwababambelelayo kubo; unetamsanqa ke obubambayo.

₁₉Uyehova umisile umhlaba ngobulumko; uqinisile amazulu ngengqondo. ₂₀Ngokwazi kwake inzulu zacandeka, ati amafu atontsele umbete.

₂₁Nyana wam! mazingalahlekani namehlo ako ezizinto; bamba ubucebo nentelekeleliso. ₂₂Zoba bubomi ke empefumlweni wako, nobuhle entanyeni yako. ₂₃Uya kwandul’ ukuhamba ngokunqaba endleleni yako, luti unyawo lwako lungaku̔beki. ₂₄Nxa ulala pantsi, akuyi kwoyika: ewe, wakulala pantsi, boba bumnandi ke ubutongo bako. ₂₅Ungoyiki isituso esibaqayo, kwa nentshabalaliso yabakohlakeleyo yakufika. ₂₆Ngokuba uyehova eya kuba litemba lako, oya kugcina unyawo lwako lungabijelwa.

₂₇UNGABAMBI okulungileyo kwabo kulunge kubo, kwakuba kusemandleni esandla sako ukukwenza. ₂₈Musa ukuti kummelwane wako: Hamba, ubuye uze, ndiya kunika ngomso; nxa kukoyo kuwe.

₂₉Ungaqingeli ummelwane wako ububi, nxa ahleli ngokunqaba ngakuwe. ₃₀Musa ukupika nomntu kungeko tuba, nxa angakwenzanga nto. ₃₁Ungabi namona pezu kwomntu osisidlwengu; uze ungaqashi nanye yendlela zake. ₃₂Ngokuba onokanda eyintshontsho kuyehova; kodwa ubukolwane bake bunabalungisayo. ₃₃Isiqalekiso sikayehova sisendlwini yokohlakeleyo; kodwa ikaya labalungileyo uyalitamsanqela. ₃₄Okunene abagxeki uyabagxeka; kanti abalulamileyo uyabapa ufefe. ₃₅Amalumko aya kulidla ilifa lobungcwalisa; kodwa amageza aya kulamkela ihlazo.