U‐Mika 6

₁YIVANI ke oko akutshoyo uyehova: Suka, upike ebusweni bentaba, nenduli mazilive ilizwi lako. ₂Yivani, zintaba! ipike likayehova, nani misekelo yomhlaba emiyo futi! ngokuba uyehova enepike nabantu bake, uya kupikisana no‐Sirayeli.

₃Bantu bam! ndenze nto nina kuni? ndinidinisile nganto nina? ndinqi̔neleni. ₄Ngokuba ndaninyusa elizweni le‐Jipete, ndanikulula endlwini yobukoboka; kanjalo ndatuma pambi kwenu u‐Mosesi, no‐Arone, no‐Miriyame. ₅Bantu bam! kumbulani ke oko wakucebayo u‐Balaki ukumkani wama‐Mowabi, noko wampendulayo ngako u‐Bilame unyana ka‐Behori, noko kwehlayo e‐Shitime kude kwase‐Gilegale, ukuze nizazi izenzo ezilungileyo zikayehova.

₆Ndiya kuza pambi kwoyehova nganto nina? ndiya kuzitoba kutixo opezulu nganto nina? ndiya kuza pambi kwake ngamadini okutshiswa na? ndiya kuza ngamatole omnyaka mnye na? ₇Wokoliswa uyehova ngamawaka enkunzi zegusha na? ngamawaka alishumi emilambo yeoli na? ndiya kunika owamazibulo wam na ngenxa yesigqito sam? isixakato sombilini wam na ngenxa yesono sompefumlo wam? ₈Ukuxelele, mntundini! into kuyiyo okulungileyo: kekaloku uyehova uyafuna nto nina kuwe, kupela ukwenza okufanelekileyo, nokutanda ububele, nokuhamba notixo wako ngokululamileyo?

₉Ilizwi likayehova liyabiza esixekweni: (olumkileyo wobeka igama lako:) Yivani intonga, nalowo oyimiseleyo. ₁₀Kuseko na endlwini yokohlakeleyo indyebo zenkohlakalo, neyefa elula, ezondekileyo? ₁₁Bendiya kuba msulwa na, ndinezilinganiselo ezikohlakeleyo, ndinenxowa yamatye okulinganisa enkohliso? ₁₂Ngokuba izityebi zaso zizele bubudlwengu, nabemi baso batetile ubuxoki, nolwimi lwabo bubukohliso emlonyeni wabo. ₁₃Ngako kanjalo ndiya kukwenza usifa ngokukubeta, ngokukuci̔takalisa ngenxa yezono zako. ₁₄Wena ungatya, kodwa akuyi kuhlutiswa, wauya kubohla pakati kwako; kanjako ungafudusa, kodwa akuyi kusindisa, noko ukusindisayo ndokunikela esiṙeleni. ₁₅Wena ungahlwayela, kodwa akuyi kuvuna; ungaxovula amanquma, kodwa akuyi kuzitambisa ngeoli; nedreyive zeveyine entsha, kodwa akuyi kusela iveyine. ₁₆Ngokuba kugciniwe imimiso ka‐Omri, nako konke ukwenza kwendlu ka‐Ahabi; ewe, niyahamba emaqingeni abo: ukuze ndikwenze into yokutelwa nqa, nabemi baso into yokwenzelwa amakwelo; ngako oko niya kutwala ugxekwa lwabantu bam.