U‐Mika 2

₁KWOBA nzima kubo abaqingayo inkohlakalo, abadalayo ububi ezililini zabo! ekukanyeni kwokusa bayabenza, ngokuba busemandleni esandla sabo. ₂Bayanqwenela amasimi, bandule bawapange, nezindlu, bandule bazisuse; bayabandezela indoda nendlu yayo, kwa indoda nelifa layo. ₃Ngako oko utsho uyehova ukuti: Bona ke, ndiyaqingela esisizalwane ububi, eningayi kushenxisa intamo zenu kubo; kanjako aniyi kuhamba ngokuzidla; ngokuba loba lixesha elibi elo. ₄Ngalomhla kwotetwa ingoma ngani, kwakuya kulilwa ngesililo esilusizi, kwotiwa: Sigqityelwe ukuci̔takaliswa. Uguqule isabiwo sabantu bam: hai ukusishenxisa kwake kum! wabele umpambuki amasimi etu! ₅Ngako oko akuyi kubako kuwe oposa intambo ngeqashiso, emhlambini kayehova. ₆Ningaprofiteshi; batsho kubo abaprofiteshayo: ukuba abayi kuprofitesha kubo aba, akuyi kumka amahlazo. ₇Wena obizwayo ngendlu ka‐Yakobi! umoya kayehova ufinyele na? zizenzo zake ezi na? amazwi am akamncedi na lowo ulungisayo ukuhamba kwake? ₈Kodwa kudala bavukile abantu bam njengotshaba; niyabahluba umnweba kunye nengubo abo badlulayo ngokunqaba, bebuya ekulweni. ₉Abafazi babantu bam niyabagxota ekayeni labo elimnandi; niyasusa kubantwana babo ubungcwalisa bam kude kube ngunapakade. ₁₀Sukani, nimke! ngokuba ingeyiyo le indawo yokupumla kwenu; ngenxa yokunco̔la iya kunici̔ta, kwa ngengci̔to enzima. ₁₁Ukuba umntu, ohamba emoyeni nasebuxokini, uyaxoka, esiti: Ndiya kuprofitesha kuwe ngeveyine nangoselo olunamandla; nguye lo oya kuba ngumprofite wababantu.

₁₂Ndiya kukuhlanganisa upela ngenyaniso, Yakobi! ndiya kusibuta ngenyaniso isisalela so‐Sirayeli; ndobabeka ndawonye njengezimvu zase‐Botsera, njengomhlambi pakati kwedlelo lawo; baya kwenza impitimpiti ngenxa yobuninzi babantu. ₁₃Umtyobozeli unyukele pambi kwabo; bayatyobozela, badlulele esangweni; bayapuma ngalo; ukumkani wabo uyadlula pambi kwabo, noyehova entlokweni yabo.