U‐Yisaya 37

₁Kwaye kute, akuva u‐Hezekiya, wandula waṙazula ingubo zake, wazigubungela ngentlakantlaka, wangena endlwini kayehova. ₂Waza watuma u‐Eliyakime, obepezu kwendlu, no‐Shibena umba̔li, nabadala bakubaperisite, begujungelwe ngentlakantlaka, ukuya ku‐Yisaya, unyana ka‐Amotse, umprofite. ₃Baye besiti kuye: Utsho u‐Hezekiya ukuti: Namhla ngumhla wobunzima, nesohlwayo, nogxeko; ngokuba abantwana beze endaweni yokutyoboza, kanti akuko amandla ukuzala. ₄Kungaba uyehova, utixo wako, uya kuva amazwi ka‐Rabeshake, otunyiweyo ngukumkani we‐Asiriya, inkosi yake, ukuza kutuka utixo opilileyo, awohlwayele amazwi awavileyo uyehova, utixo wako; ngako pakamisa umtandazo ngenxa yesisalela esikoyo.

₅Kwa njalo izicaka zokumkani u‐Hezekiya zeza ku‐Yisaya. ₆Waza u‐Yisaya wati kuzo: Niya kutsho enkosini yenu ngokuti: Utsho uyehova ukuti: Ungoyiki ngenxa yamazwi uwavileyo, lawo abafana bokumkani we‐Asiriya bandigxekile ngawo. ₇Bona ke, ndiya kubeka umoya kuye, waeya kuva iṙeto, abuyele elizweni lake; ndandiya kumenza awe ngesiṙele elizweni lake.

₈Wada wabuya u‐Rabeshake, wamfumana ukumkani we‐Asiriya esilwa ngakuyo i‐Libena: ngokuba ebevile ukuba undulukile e‐Lakishe. ₉Wayesiva ngaye u‐Tiraka ukumkani we‐Tiyopiya, kusitwa: Upumile ukuza kulwa nawe. Wati akuva, watuma izigidimi ukuya ku‐Hezekiya, esiti: ₁₀Niya kutsho ku‐Hezekiya ukumkani wo‐Juda, nisiti: Maungakohliswa ngutixo wako, lowo utemba kuye, esiti: i‐Yerusaleme ayiyi kunikelwa esandleni sokumkani we‐Asiriya. ₁₁Bona ke, ukuvile oko bakwenzileyo okumkani be‐Asiriya kuwo onke amazwe, ngokuwalahlela ekutshatyalalisweni; kekaloku wena uya kusindiswa ke na? ₁₂Otixo bentlanga, ezo bazitshabalalisile obawo, kebazisindisa na; i‐Gozane, ne‐Karane, ne‐Retsefe, nosapo lwase‐Hedeni, oluse‐Telasare? ₁₃Upina ke ukumkani we‐Hamati, nokumkani we‐Arapadi, nokumkani wesixeko se‐Sefarevayime, ne‐Hena, ne‐Hiva?

₁₄Waye u‐Hezekiya eyamkela incwadi leyo esandleni sezigidimi, wayilesesha, wenyuka waya endlwini kayehova; waza u‐Hezekiya wayaneka ebusweni bukayehova. ₁₅Watandaza u‐Hezekiya kuyehova, esiti: ₁₆Yehova wemikosi, Tixo wo‐Sirayeli, ohleli pakati kwazo ikerubime! unguwe wedwa o ngutixo wabo bonke ubukumkani bomhlaba; wenzile wena izulu nomhlaba. ₁₇Tobela, Yehova! indlebe yako, uve; vula, Yehova! amehlo ako, ubone; uze uweve onke amazwi ka‐Senakeribe, otumileyo ukutuka utixo opilileyo. ₁₈Ngenyaniso, Yehova! okumkani be‐Asiriya bacitakalisile zonke izizwe namazwe azo; ₁₉notixo bazo babalahlele emlilweni: ngokuba bengengabo otixo bona, koko bengumsebenzi wezandla zabantu, imiti namatye; ngako babatshabalalisile. ₂₀Ngako kaloku, Yehova, Tixo wetu! sisindise esandleni sake, ukuze bonke ubukumkani bomhlaba bazi ukuba wena u nguyehova, wena wedwa.

₂₁Waza u‐Yisaya unyana ka‐Amotse watuma ku‐Hezekiya, esiti: Utsho uyehova, utixo wo‐Sirayeli, ukuti: Okokuba utandazile kum ngaye u‐Senakeribe, ukumkani we‐Asiriya, — ₂₂lilo eli ilizwi alitetileyo uyehova pezu kwake:

Intombi ipela, intombi yase‐Ziyone, iyakudela, iyakuhleka; intombi yase‐Yerusaleme iyahlunguzela intloko ngakuwe. ₂₃Ngubanina omtukileyo, nomgxekileyo? kungakubanina ulipakamisile ilizwi, namehlo ako uwanyusile ngapezulu? ngakuye oyingcwele ka‐Sirayeli. ₂₄Ngazo izicaka zako uyitukile inkosi, wati: Ngobuninzi benqwelo zam ndiqolile indawo ezipezulu zentaba, amatambeka e‐Lebanone; sendiya kugaula isedare zayo ezinde, nemiberoshe yayo edlulisileyo; ndofikela eyokupela indawo yayo yapezulu, ihlati layo elicu̔mileyo. ₂₅Ndimbele ndasela amanzi ke; nangomzantsi wenyawo zam ndiyomisile yonke imilambo yase‐Jipete.

₂₆Akuvanga na, ukuba kudala ndikwenzile oku, ukuba emihleni yamatanci ndakuqinga? kaloku ndikuzisile kubako, ukuba kucitakaliswe izixeko ezinqatyisiweyo zibe zimfumba ezitshabaleleyo. ₂₇Ngako abemi bazo bebenamandla amancinane; babete qege, badana nokudana; babenjengenca yasendle, nanjengotyani obuluhlaza, njengesikota pezu kwezindlu, nanjengembabala kungekadutyulwa. ₂₈Kodwa ukuhlala kwako, nokupuma kwako, nokungena kwako, ndiyakwazi, kwa nokujala kwako ngakum. ₂₉Ngenxa yokuba ukujala kwako ngakum, nokur̔atsha kwako, kunyukele ezindlebeni zam, ndiya kufaka igwegwe lam empumlweni yako, nomkala wam emlonyeni wako, ndize ndikubuyise ngalondlela ubusiza ngayo.

₃₀Kanjalo oku kwoba ngumqondiso kuwe: Kuya kutyiwa lomnyaka okuhlumayo ngokwako; nangomnyaka wesibini okupumayo ngokunjalo; nangomnyaka wesitatu hlwayelani, nivune nokuvuna, tyalani nemiyezo, nesiqa̔mo sayo nisidle. ₃₁Boti abasindileyo bendlu ka‐Juda, abo baseleyo, babuye bendelise ingcambo ngapantsi, bahlanze isiqa̔mo ngapezulu. ₃₂Ngokuba kuya kupuma e‐Yerusaleme isisalela, nasentabeni ye‐Ziyone abo basindileyo: ubukwele bukayehova wemikosi bokwenza oku.

₃₃Ngako oko, utsho uyehova ngaye ukumkani we‐Asiriya ukuti: Akayi kungena kwesisixeko, akayi kulutolela kona utolo kanjako; akayi kuza pambi kwaso nekaka, akayi kuyiposela indulana ngakuso kananjalo. ₃₄Londlela ubesiza ngayo, uya kubuya kwa ngayo, nakuso esisixeko akayi kungena, utsho uyehova. ₃₅Ngokuba ndiya kukusela isixeko esi, ndisisindise, ngenxa yokwam, nangenxa ka‐Davide isicaka sam.

₃₆Yaza yapuma ingelosi kayehova, yabulala emnqubeni wama‐Asiriya ikulu linamashumi asibozo enesihlanu lamawaka: kwati kwakuvukwa kusasa ngomnye umhla, nanga onke eyimizimba efileyo. ₃₇Wandula u‐Senakeribe ukumkani we‐Asiriya wanduluka, wahamba, wabuya, waya wahlala e‐Nineve. ₃₈Kwada kwati, nxa abezitoba endlwini ka‐Niseroki utixo wake, basuka u‐Adrameleki no‐Sharetsere onyana bake bambulala ngesiṙele; bati bona basindela ezweni le‐Ararate: waza u‐Esare‐hadoni unyana wake waba ngukumkani esikundleni sake.