U‐Hosheha 10

₁USIRAYELI ungumti weveyine onabayo; uyazihlanzela wona iziqa̔mo: njengobuninzi beziqa̔mo zake, uzandisile izibingelo; njengokulunga kwomhlaba wake, bazenzile izifanekiso ezihle. ₂Intliziyo yabo yahlukile, kwa kaloku bomelwa lityala: yena uya kucita izibingelo zabo, uya kutshabalalisa izifanekiso zabo. ₃Ngenyaniso baya kuti ngoku: Asinakumkani; ngokuba singamoyiki uyehova: ukamkani ke, wosenzela nto nina? ₄Bawatetile amazwi, befunga ngobuxoki ekwenzeni ucebano: ngako oko umgwebo uyahluma njengomfuno onobuhlungu emiseleni yentsimi. ₅Ngenxa yamatole ase‐Betavene, abemi base‐Samariya boba nokwoyika; ngokuba abantu balo beya kulila ngalo, nababingeli balo ababegcoba pezu kwalo, ngenxa yobungcwalisa balo, ngokuba bumkile kulo. ₆Kwa lona liya kusiwa e‐Asiriya, libe libaso kukumkani opikayo: u‐Frayime wozuza idano, no‐Sirayeli wodanela elake icebo.

₇I‐Samariya ukumkani wayo unqanyulwe; unjengeceba pezu kwobuso bamanzi. ₈Ziya kutshatyalaliswa indawo ezipakamileyo zase‐Avene, isono so‐Sirayeli; ameva namakakakaka aya kumila pezu kwezibingelo zabo: babeya kuti ezintabeni: Sigubungeleni: nasezindulini: Siweleni. ₉Wonile, Sirayeli! kuselokwemihla ye‐Gibeha: bemi kwa kona: akuyi kubafumana ukulwa e‐Gibeha ngakulo usapo lwobumenemene. ₁₀Yinkanuko yam ukuba ndibabete; zaye izizwe ziya kuhlanganiselwa ngakubo, nxa banxitywayo ngenxa yezikohlakalo zabo zozibini. ₁₁U‐Frayime ulitokazi eliqelisiweyo, litanda ukubula; kodwa ndidlule pezu kwentamo yalo enobuhle; ndomenza u‐Frayime ukwelwe; u‐Juda uya kupulusha, u‐Yakobi woqwakanisa. ₁₂Zihlwayeleleni ngobulungisa, nivune ngobubele; ziku̔beleleni umhlaba olifusi: ngokuba lilixesha lokumfuna uyehova, ade afike, anifundise ubulungisa. ₁₃Nilimile inkohlakalo, nivunile ubumenemene; nidlile isixakato sobuxoki: ngokuba nitembele endleleni yako, ebuninzini bamaṙoti ako. ₁₄Ngako kwovuka isipitipiti pakati kwabantu bako, nenqaba zako zonke ziya kuci̔takaliswa, njengokuba u‐Shalemane waci̔takalisa i‐Bete‐rabele ngemini yokulwa: unina watyunyuzwa kunye nabantwana. ₁₅Iya kwenje njalo kuni i‐Betele ngenxa yenkohlakalo yenu enkulu: kusasa wonqanyulwa kanye ukumkani wo‐Sirayeli.